சமூக ஊடகங்களில் தற்போது ஜெனரேஷன் இசட் எனப்படும் புதிய தலைமுறை ஊழியர்களின் பணிபுரியும் விதம் மற்றும் அலுவலக கலாச்சாரம் குறித்த கட்டுரை ஒன்று வைரலாகி பெரும் விவாதத்தை ஏற்படுத்தியுள்ளது.  இந்த புதிய தலைமுறை இளைஞர்கள் தங்களது அலுவலக வேலைக்கும், தனிப்பட்ட வாழ்க்கைக்கும் இடையே மிகத் தெளிவான எல்லையை வகுத்துக் கொள்கிறார்கள்.

மேலும் முன்னெப்போதையும் விட தங்களின் மன அமைதி மற்றும் தனிப்பட்ட நேரத்திற்கு அதிக முக்கியத்துவம் கொடுக்கும் இவர்கள், வேலைக்காக தங்களின் வாழ்க்கையைத் தியாகம் செய்யத் தயாராக இல்லை என்பதை தங்களின் செயல்பாடுகள் மூலம் உணர்த்தி வருகின்றனர்.

இந்த மாற்றத்தின் விளைவாக, அலுவலக நேரத்தை தாண்டி நீண்ட நேரம் வேலை செய்வதையோ அல்லது வார இறுதி நாட்களில் வரும் அலுவலக அழைப்புகளுக்குப் பதிலளிப்பதையோ அவர்கள் முற்றிலுமாகத் தவிர்க்க விரும்புகிறார்கள்.

இதுகுறித்து நிறுவனத்தின் வளர்ச்சி எவ்வளவு முக்கியமோ, அதே அளவிற்குத் தங்களின் தனிப்பட்ட மகிழ்ச்சியும் முக்கியம் என்று கருதும் இந்த Gen Z தலைமுறையினர், தற்போதைய கார்ப்பரேட் நிறுவனங்களின் பாரம்பரிய வேலை கலாச்சாரத்தையே மெல்ல மெல்ல மாற்றி அமைத்து வருகிறார்கள் என்று இந்த செய்தி தொகுப்பு விரிவாக விளக்குகிறது.