திருச்சி கிழக்கு சட்டப்பேரவைத் தொகுதிக்கான இடைத்தேர்தலில் நடிகர் ராகவா லாரன்ஸ் போட்டியிடப் போவதாகச் சமூக ஊடகங்களில் கடந்த சில நாட்களாகப் பரவலான செய்திகள் வெளியாகி தமிழக அரசியல் வட்டாரத்தில் பெரும் பரபரப்பை ஏற்படுத்தியிருந்தன. இத்தகைய சூழலில், இந்த விவகாரம் மற்றும் தனது அரசியல் நிலைப்பாடு குறித்து ஜூன் 11-ஆம் தேதியான நாளை அதிகாரப்பூர்வமாகப் பதிலளிப்பதாக நடிகர் ராகவா லாரன்ஸ் ஏற்கனவே அறிவித்திருந்தார். இதனால் அவர் தமிழக வெற்றிக் கழகத் தலைவர் விஜய் அல்லது பாஜக மூத்த தலைவர் அண்ணாமலை ஆகியோரில் யாருடன் கைகோர்க்கப் போகிறார் என்ற எதிர்பார்ப்பு ரசிகர்கள் மத்தியிலும் அரசியல் நோக்கர்கள் மத்தியிலும் உச்சத்தை எட்டியிருந்தது.

இந்நிலையில், திட்டமிட்டபடி நாளை பதிலளிப்பதாக இருந்த தனது முடிவை நடிகர் ராகவா லாரன்ஸ் திடீரென மாற்றியுள்ளார். தற்போது எழுந்துள்ள பல்வேறு அரசியல் விவாதங்களுக்கு மத்தியில், தனது இறுதி முடிவை நாளை மறுநாள் (ஜூன் 12) அறிவிக்கப் போவதாக அவர் புதிய தகவலை வெளியிட்டுள்ளார். ‘தன் வாழ்வின் மிக முக்கிய முடிவு’ என லாரன்ஸ் குறிப்பிட்டிருப்பதால், அவர் விஜய்யின் தவெக கட்சி சார்பில் வேட்பாளராகக் களம் இறங்குவாரா அல்லது அண்ணாமலையின் ஆதரவோடு களம் காண்பாரா என்ற சஸ்பென்ஸ் நீடிப்பதோடு, நாளை மறுநாள் வெளியாகவுள்ள அவரது அதிகாரப்பூர்வ அறிவிப்பை நோக்கி ஒட்டுமொத்த தமிழக அரசியல் களமும் உற்று நோக்கிக் காத்துக் கொண்டிருக்கிறது.மேலும் இயக்குனர் பாரதிராஜா இன்று மரணமடைந்ததால் நடிகர் ராகவா லாரன்ஸ் நாளை மறுநாள் அரசியல் முடிவை அறிவிப்பதாக தெரிவித்துள்ளது குறிப்பிடத்தக்கதாகும்.