“ஜோதிட உலகில் கர்மவினைகளின் பலனைத் தரும் ‘நீதி தேவன்’ என்று அழைக்கப்படும் சனி பகவானின்  நட்சத்திர இடப்பெயர்ச்சி, அடுத்த 4 மாதங்களுக்கு சில குறிப்பிட்ட ராசிக்காரர்களின் வாழ்க்கையில் அதிர்ஷ்ட மழையை பொழிய வைக்கப் போகிறது.

கடந்த மே 17 ஆம் தேதி முதல் புதனின் ஆதிக்கம்கொண்ட ரேவதி நட்சத்திரத்திற்குள் நுழைந்துள்ள சனி பகவான், வரும் அக்டோபர் 9 ஆம் தேதி மாலை வரை இதே நட்சத்திரத்தில் தான் நீடித்துப் பயணம் செய்ய உள்ளார்.

ஜோதிட ரீதியாக சனியின் இந்த நட்சத்திர கோச்சாரம் ஒட்டுமொத்த ராசிகளிலும் பெரிய தாக்கத்தை ஏற்படுத்தும் என்றாலும், குறிப்பாக கன்னி, கடகம் மற்றும் கும்பம் ஆகிய 3 ராசிக்காரர்களின் கையில் இனி பணப் புழக்கம் அதிகரிக்கப் போவதோடு, மகிழ்ச்சியும் இல்லம் தேடி வரப்போகிறது

இந்த 4 மாத கால கட்டத்தில் கன்னி ராசிக்காரர்களுக்கு நிதி நிலைமையில் அபாரமான முன்னேற்றமும், புதிய தொழில் யோசனைகளும், திருமண வாழ்க்கையில் அன்பும் கூடும்;

அதேபோல், கடக ராசிக்காரர்களுக்கு தொட்டதெல்லாம் துலங்கும் வகையில் அதிர்ஷ்டமும், செய்யும் தொழிலில் லாபமும் கொட்டப்போவதோடு, சமூகத்தில் பாராட்டும் அந்தஸ்தும் உயரப் போகிறது.

மற்றொரு புறம், கும்ப ராசிக்காரர்களுக்கு நீண்ட நாட்களாக தடைப்பட்ட காரியங்கள் அனைத்தும் மிக எளிதாக கைகூடி, புதிய வேலை வாய்ப்புகளும், வியாபாரத்தில் அதிரடி வளர்ச்சியும் கிடைக்கப்போகிறது.

ஜூன் 22 முதல் கடக ராசியில் புதன் பெயர்ச்சி அடைய உள்ளதாலும், ஜூன் 8 முதல் சூரிய கோச்சாரம் மாற உள்ளதாலும் இந்த ராசிகளுக்கு இரட்டிப்பு பலன்கள் கிடைக்கப் போவதாக ஜோதிட வட்டாரங்கள் தெரிவிக்கின்றன.”