தமிழக அரசியலில் கடந்த 10 ஆண்டுகளுக்கும் மேலாக நீடித்து வந்த திமுக – காங்கிரஸ் கூட்டணி தற்போது முறிந்துள்ளது. திமுகவுடன் கைகோர்த்து தேர்தல்களைச் சந்தித்த காங்கிரஸ், இப்போது தமிழகத்தில் பெரும்பான்மையுடன் ஆட்சியமைக்க உள்ள விஜய்யின் தமிழக வெற்றிக் கழகத்துடன் (தவெக) கூட்டணி வைத்துள்ளது. இந்தத் திடீர் மாற்றம் அரசியல் வட்டாரத்தில் பெரும் பரபரப்பை ஏற்படுத்தியுள்ளது.

இது குறித்துப் பேசிய மக்களவை உறுப்பினர் கனிமொழி, காங்கிரஸ் எடுக்கும் முடிவுகள் அவர்களின் உரிமை என்றும், தாங்கள் தொடர்ந்து மக்களுக்காகப் போராடப் போவதாகவும் தெரிவித்துள்ளார். திமுக தலைவர் மு.க.ஸ்டாலின் தனது சொந்தத் தொகுதியான கொளத்தூரிலேயே தோல்வியடைந்தது அக்கட்சியினரிடையே பெரும் அதிர்ச்சியை ஏற்படுத்தியுள்ளது.

தோல்விக்கான காரணங்களை ஆராய்ந்து வருவதாகக் கூறிய கனிமொழி, தவெக-வும் தங்களைப் போலவே மதச்சார்பற்ற கொள்கைகளைக் கொண்டிருப்பது மகிழ்ச்சி அளிப்பதாகத் தெரிவித்தார். 2024-ல் தொடங்கப்பட்ட தவெக, மிகக் குறுகிய காலத்தில் மிகப்பெரிய வெற்றியைப் பெற்று ஆட்சியைக் கைப்பற்றியிருப்பது தமிழக அரசியலில் ஒரு புதிய அத்தியாயத்தைத் தொடங்கி வைத்துள்ளது.