தாய்லாந்து நாட்டில் திருமண உறவில் துரோகம் செய்த கணவனை அவரது காதலிக்கே மாத வாடகையின அடிப்படையில் விட்டுக்கொடுக்க முன்வந்த மனைவியின் செயல் உலக அளவில் வியப்பை ஏற்படுத்தியுள்ளது. குவான் என்ற அந்தப் பெண் காவல்துறை அதிகாரியாகப் பணியாற்றும் தனது கணவர் வேறொரு பெண்ணுடன் தொடர்பில் இருப்பதைத் துப்பறியும் நிபுணர் மூலம் கண்டறிந்தார்.
பொதுவாக இத்தகைய சூழலில் பெண்கள் விவாகரத்து அல்லது சட்ட ரீதியான நடவடிக்கைகளை எடுப்பார்கள். ஆனால் குவான் ஒரு விசித்திரமான முடிவை எடுத்துத் தனது கணவருடன் அந்தப் பெண் வாழ வேண்டுமானால் மாதம் தோறும் இந்திய மதிப்பில் சுமார் எண்பத்தையாயிரம் ரூபாயை வாடகையாக வழங்க வேண்டும் என்ற நிபந்தனையை விதித்தார்.
குவான் விதித்த இந்த விசித்திரமான சலுகையை அவரது கணவரின் காதலியும் உடனடியாக ஏற்றுக்கொண்டது அனைவரையும் அதிர்ச்சியில் ஆழ்த்தியுள்ளது. அந்தப் பெண்ணுக்குப் பணம் ஒரு பொருட்டல்ல என்றும் அவருடன் வாழ்வதே தமக்கு முக்கியம் என்றும் அவர் கூறியுள்ளார்.
இருப்பினும் தனது மனைவி தன்னை வாடகைக்கு விடுவதை அறிந்த கணவர் தனது சுயமரியாதை பாதிக்கப்படுவதாகக் கூறி இந்த ஒப்பந்தத்திற்குத் தனது கடும் எதிர்ப்பைத் தெரிவித்துள்ளார். கணவனை வாடகைக்கு விட்ட மனைவியின் இந்த நூதனமான செயல் தற்போது சமூக வலைதளங்களில் விவாதப் பொருளாக மாறியுள்ளது.
