தமிழக மருத்துவத் துறையில் பணி நியமனங்கள் தொடர்பாக திமுக அரசு அப்பட்டமான பொய்களைக் கூறி வருவதாக பாமக தலைவர் அன்புமணி ராமதாஸ் கடும் கண்டனம் தெரிவித்துள்ளார். “திமுக என்றால் மோசடி, மோசடி என்றால் திமுக” என்று மிகக் கடுமையான வார்த்தைகளால் அவர் விமர்சித்துள்ளார். போட்டித் தேர்வுகளில் வெற்றி பெற்ற 1100 மருத்துவர்களில், வெறும் 320 பேருக்கு மட்டுமே பணி நியமன ஆணைகள் வழங்கப்பட்டுள்ளதாக அவர் சுட்டிக்காட்டியுள்ளார்.

​ஆனால், தமிழக அரசு 1071 பேருக்கு பணி நியமன ஆணைகள் வழங்கப்பட்டுவிட்டதாகத் தவறான தகவலைப் பரப்பி வருவதாகவும், மீதமுள்ள 751 தகுதியான மருத்துவர்களின் நிலை என்ன? என்றும் அவர் கேள்வி எழுப்பியுள்ளார். அரசுத் தேர்வுகளில் தேர்ச்சி பெற்றவர்களுக்கே இந்த நிலை என்றால், இது மிகப்பெரிய நிர்வாகச் சீர்கேடு என்றும், திமுக அரசின் இந்த இரட்டை வேடத்தை மக்கள் பார்த்துக் கொண்டிருக்கிறார்கள் என்றும் அவர் ஆக்ரோஷமாகப் பேசியுள்ளார்.