தற்போது நிலவி வரும் எரிவாயு சிலிண்டர் தட்டுப்பாடு மற்றும் விலை உயர்வு காரணமாக, கிராமப்புறம் முதல் நகர்ப்புறம் வரை பலரும் மாற்று வழிகளைத் தேடி வருகின்றனர். இந்தச் சூழலில், பயோடெக் இந்தியா (Biotech India) நிறுவனத்தின் ‘டர்போ மாடல்’ போர்ட்டபிள் பயோ கேஸ் பிளான்ட் குறித்த வீடியோ இணையத்தில் காட்டுத்தீயாய் பரவி வருகிறது. வீட்டின் சமையலறை கழிவுகள் மற்றும் இதர கரிமக் கழிவுகளைக் கொண்டே உயர் அழுத்த எரிவாயுவை (High-pressure gas) உருவாக்கும் இந்தத் தொழில்நுட்பம், சிலிண்டருக்கு ஒரு சிறந்த மாற்றாகப் பார்க்கப்படுகிறது. எடைக் குறைவாகவும், முழுமையாக மூடப்பட்ட பாதுகாப்பான அமைப்பைக் கொண்டிருப்பதாலும், இதனை வீட்டின் மொட்டை மாடி அல்லது பால்கனிகளில் கூட எளிதாகப் பொருத்த முடியும் என்பது குறிப்பிடத்தக்கது.
சிலிண்டருக்காக நீண்ட வரிசையில் காத்திருக்கும் அவல நிலைக்கு முற்றுப்புள்ளி வைக்கும் நோக்கில், இந்த பயோ கேஸ் பிளான்ட் தற்போது பொதுமக்களிடையே பெரும் வரவேற்பைப் பெற்றுள்ளது. விறகு அடுப்புக்கு மாறி வரும் ஏழை மற்றும் நடுத்தர மக்களுக்கு, இது ஒரு வரப்பிரசாதமாக அமைந்துள்ளது. குறைந்த செலவில் நீண்ட காலப் பயன் தரும் இந்த ‘டர்போ மாடல்’, சுற்றுச்சூழலைப் பாதுகாப்பதோடு மட்டுமல்லாமல், குடும்பத்தின் பட்ஜெட்டையும் மிச்சப்படுத்துகிறது. “குப்பையில் இருந்து மின்சாரம் எடுப்பதைக் கேட்டிருக்கிறோம், இப்போது சமையல் எரிவாயுவை எடுப்பது ஆச்சரியமாக இருக்கிறது” என்று நெட்டிசன்கள் பலரும் இந்த வீடியோவைப் பகிர்ந்து தங்களது கருத்துக்களைத் தெரிவித்து வருகின்றனர்.
