சமூக வலைதளங்களில் வைரலாக வேண்டும் என்பதற்காக மக்கள் எதையும் துணிந்து செய்யும் போக்கு அதிகரித்து வருகிறது. அதன் உச்சகட்டமாக, தற்போது வெளியாகியுள்ள ஒரு வீடியோவில், இரவு நேரத்தில் ரயில்வே தண்டவாளத்தின் மீது சிறுவர்களும் சில பெரியவர்களும் சேர்ந்து பேட்மிண்டன் விளையாடும் காட்சிகள் பதிவாகியுள்ளன. ரயில்கள் அதிவேகமாகச் செல்லும் அந்தப் பாதையைப் பிக்னிக் ஸ்பாட் போலவும், விளையாட்டு மைதானம் போலவும் அவர்கள் பயன்படுத்தியது காண்போரை அதிர்ச்சியில் ஆழ்த்தியுள்ளது.
சிறுவர்கள் மிகுந்த உற்சாகத்துடன் விளையாடிக்கொண்டிருக்க, அருகில் இருக்கும் பெண்கள் மற்றும் பெரியவர்கள் அதனைத் தடுக்காமல் வேடிக்கை பார்ப்பது இன்னும் வேதனையை அளிக்கிறது. ரயில் எப்போது வரும் என்று தெரியாத அந்த அபாயகரமான இடத்தில், இவ்வளவு பெரிய கவனக்குறைவுடன் இருப்பது பெரும் விபத்திற்கு வழிவகுக்கும் என நெட்டிசன்கள் எச்சரித்து வருகின்றனர். ‘aju_love_70_’ என்ற இன்ஸ்டாகிராம் பக்கத்தில் பகிரப்பட்ட இந்த வீடியோ, தற்போது லட்சக்கணக்கான பார்வைகளைக் கடந்து வைரலாகி வரும் நிலையில், ரயில்வே பாதுகாப்பு குறித்த பெரும் கேள்விகளை எழுப்பியுள்ளது.
