புற்றுநோயால் பாதிக்கப்பட்டுத் தனது முடியை இழந்த மாணவி ஒருவருக்கு ஆதரவு தெரிவிக்கும் வகையில், சக மாணவிகளும் ஆசிரியர்களும் மொட்டையடித்துக் கொண்ட நெகிழ்ச்சியான வீடியோ சமூக வலைதளங்களில் வைரலாகி வருகிறது.
பள்ளிச் சீருடை அணிந்த மாணவிகள் அனைவரும் மொட்டையடித்த தலையுடன் வரிசையாக நடந்து வரும் அந்தத் துணிச்சலான காட்சி பலரது இதயங்களை வென்றுள்ளது.
புற்றுநோயால் பாதிக்கப்பட்ட அந்தச் சிறுமி மனதளவில் சோர்வடையாமல் இருக்கவும், அவர் மற்றவர்களிடம் இருந்து தனித்துத் தெரிவதாக எண்ணி வருந்தக்கூடாது என்பதற்காகவும் இந்தப் பள்ளியின் ஆசிரியர்களும் மாணவர்களும் இணைந்து இந்த உன்னதமான முடிவை எடுத்துள்ளனர்.
இந்த வீடியோவை சமூக வலைதளங்களில் கண்ட ஆயிரக்கணக்கானோர், மனிதநேயத்தின் மிகச்சிறந்த அடையாளம் இதுவெனப் பாராட்டி வருகின்றனர்.
“கடவுளே தனது படைப்பைக் கண்டு பெருமைப்படும் தருணம் இது” என்றும், “இப்படியொரு அன்பான மனநிலைதான் உலகிற்குத் தேவை” என்றும் நெட்டிசன்கள் நெகிழ்ச்சியுடன் கருத்துத் தெரிவித்து வருகின்றனர்.
மாணவர்களுக்கும் ஆசிரியர்களுக்கும் இடையிலான ஆழமான பிணைப்பையும், சக மனிதர் படும் துயரத்தில் பங்கெடுக்கும் தன்னலமற்ற குணத்தையும் இந்தச் சிறிய செயல் உலகிற்கு உணர்த்தியுள்ளது.
View this post on Instagram
“>
அந்தச் சிறுமியின் வலியைப் போக்க தேவதூதர்களாய் வந்த நண்பர்களின் இந்தச் செயல், பார்ப்பவர் கண்களில் கண்ணீரை வரவழைத்துள்ளது.
