ஆஸ்திரேலிய முன்னாள் வேகப்பந்து வீச்சாளர் பிரட் லீ-யின் பந்துவீச்சு பாணியை (Bowling Action) அப்படியே அச்சு அசலாகப் பிரதிபலிக்கும் இந்தியச் சிறுவனின் வீடியோ சமூக வலைதளங்களில் வைரலாகி வருகிறது.

8 வயதே ஆன அந்தச் சிறுவன், பிரட் லீ ஓடி வரும் விதம் முதல் பந்தை வீசி முடிக்கும் வரை உள்ள நுணுக்கங்களை மிகச்சரியாகச் செய்திருப்பது அனைவரையும் வியப்பில் ஆழ்த்தியுள்ளது. ‘X’ தளத்தில் பகிரப்பட்ட இந்த வீடியோ, குறுகிய காலத்தில் 5 லட்சத்திற்கும் அதிகமான பார்வைகளைப் பெற்றுள்ளதுடன், கிரிக்கெட் ரசிகர்களிடையே பெரும் விவாதத்தையும் கிளப்பியுள்ளது.

இந்த வீடியோவைக் கண்ட இணையவாசிகள், அந்தச் சிறுவனின் அபாரத் திறமையைப் பாராட்டி வருகின்றனர். குறிப்பாக, பந்தை வீசும்போது அந்தச் சிறுவன் தனது இடது காலை நேராக வைத்திருக்கும் தொழில்நுட்ப நேர்த்தி பல தொழில்முறை வீரர்களுக்கே சவாலானது என்று கிரிக்கெட் ஆர்வலர்கள் சுட்டிக்காட்டியுள்ளனர். “பிரட் லீ ஓய்வு பெற்ற பிறகு பிறந்த இந்தச் சிறுவன், அவரது பந்துவீச்சு மென்பொருளை அப்படியே தரவிறக்கம் செய்துள்ளான்” என ரசிகர்கள் நகைச்சுவையாகவும், ஆச்சரியத்துடனும் கருத்து தெரிவித்து வருகின்றனர்.

<a href=”http://

“>
முறையான பயிற்சி அளிக்கப்பட்டால், இந்தச் சிறுவன் எதிர்காலத்தில் இந்திய அணியின் நட்சத்திரமாக ஜொலிப்பார் எனப் பலரும் நம்பிக்கை தெரிவித்துள்ளனர்.