உத்தரபிரதேச மாநிலத்தின் கௌசாம்பியில் உறவினருக்குள் காதலித்து திருமணம் செய்துகொண்ட வினோதமான சம்பவம் ஒன்று சமூகத்தில் பரபரப்பை ஏற்படுத்தியுள்ளது. மூன்றாண்டுகளாக காதலில் இருந்த இளைஞன் ஒருவர் தனது சொந்த தாய்வழி அத்தையை காதலித்து, இறுதியில் திருமணம் செய்து கொண்டுள்ளார். இதில் இரு குடும்பத்தினருக்கும் ஏற்பட்ட மனக்கசப்பை போலீசார் சமரசம் செய்து தீர்த்தது குறிப்பிடத்தக்கது.

ஜகன்னாத்பூரில் வசிக்கும் போலா பிரசாத்தின் மகன் கிருஷ்ண குமார் (24) தொழிலாளி. மூன்று ஆண்டுகளுக்கு முன்பு சித்ரகூட் மாவட்டம் ராஜபூர் பகுதியில் உள்ள தனது தாய்வழி பாட்டியின் வீட்டிற்கு சென்றபோது, அங்கு தனது தாய்வழி அத்தையான சஞ்சனா தேவி (23) யை சந்தித்தார்.
அந்த சந்திப்பிலேயே இருவருக்கும் ஈர்ப்பு உருவாகி, காலப்போக்கில் ஆழமான காதலாக மாறியது. உறவினர்தான் என்ற உண்மையை மறந்தும், இருவரும் மொபைல் பேசி, பின்னர் மறைமுகமாகச் சந்தித்து வந்தனர்.

இருவரின் காதல் குறித்து குடும்பத்தினர் அறிந்ததும், கடும் எதிர்ப்பு தெரிவித்தனர். பல முறை பஞ்சாயத்து கூட நடத்தப்பட்டும், எந்தத் தீர்வும் எட்டப்படவில்லை. இறுதியில், இந்த விவகாரம் மொஹபத்பூர் பைன்சா காவல் நிலையத்தை எட்டியதும், காவல் நிலைய பொறுப்பாளர் ராஜேந்திர குமார் வர்மா தலையிட்டு பேசினார்.

இரு தரப்பினரையும் போலீஸ் நிலையத்திற்கு அழைத்து கேட்டறிந்த பிறகு, குடும்பத்தினரின் விருப்பத்திற்கிணங்க திருமணம் செய்யும்படி ஆலோசனை கூறப்பட்டும், தம்பதியினர் தங்கள் முடிவில் உறுதியாய் இருந்தனர். இதையடுத்து, காவல் நிலைய பொறுப்பாளர் மனிதாபிமான நோக்கில் இரு குடும்பத்தினரையும் சமாதானப்படுத்தி, அவர்களது ஒப்புதலுடன் அருகிலுள்ள கோவிலில் இருவரின் திருமணத்தை நடத்தித் தந்தார்.

தற்போது சஞ்சனா தனது கணவரான கிருஷ்ணாவின் வீட்டில் வாழ்ந்து வருகிறார்.
அத்தை-மருமகன் உறவை மீறி நடைபெற்ற இந்த சிறப்பு திருமணம், கௌசாம்பி பகுதியில் பரவலான விவாதத்துக்கு உள்ளாகியுள்ளது.