பிரிட்டனைச் சேர்ந்த இரண்டு பெண்களுக்குப் பக்கவாதம் (Stroke) ஏற்பட்டதைத் தொடர்ந்து, அவர்கள் திடீரெனத் தாய்லாந்து மற்றும் சீன நாட்டு உச்சரிப்பில் பேசத் தொடங்கியுள்ள விசித்திரமான சம்பவம் குறித்துப் பலரும் ஆச்சரியமடைந்துள்ளனர்.

கேத்தி வாரன் (Cathy Warren) என்ற 29 வயதுப் பெண், துருக்கியில் விழித்தபோது தாய்லாந்து நாட்டு உச்சரிப்பில் பேசத் தொடங்கினார். அதேபோல, சாரா கோல்வில் (Sarah Colwill) என்ற 50 வயதுப் பெண், 2010ஆம் ஆண்டு முதல் சீன நாட்டு உச்சரிப்பில் பேசி வருகிறார்.

இது ‘ஃபாரின் அக்ஸென்ட் சின்ட்ரோம்’ (Foreign Accent Syndrome) எனப்படும் ஒரு அரிய நோய் ஆகும். மூளையின் செயல்பாட்டில் ஏற்படும் திடீர் மாற்றம், இந்த நிலையை ஏற்படுத்துகிறது.

இந்தச் சின்ட்ரோம் காரணமாக சாரா கோல்வில், தான் ஒரு பிரிட்டிஷ் பெண் என்று நிரூபிப்பதற்காகச் சமூகத்தில் பல அவமானங்களைச் சந்தித்துள்ளார்.

மூளையின் கட்டமைப்பு அல்லது உளவியல் ரீதியான கோளாறுகளால் ஏற்படும் இந்த விசித்திரமான நோய், விஞ்ஞானிகளிடையே ஒரு விவாதப் பொருளாக மாறியுள்ளது.