திரிசூர் புதுக்கட் சென்டரில், 19 வயது இம்மானுவேல் என்பவர் பைக் ஓட்டினார். சனிக்கிழமை காலை 8 மணிக்கு, அவர் போக்குவரத்து சிக்னலைக் கவனிக்காமல் மீறி சென்றார். அப்போது சாலையைக் கடக்க முயற்சி செய்த 68 வயது செலின் என்பவர்மீது பைக் மோதியது. செலின் தலையில் காயமடைந்து, அலுவா தனியார் மருத்துவமனையின் ICU-வில் சிகிச்சை பெறுகிறார்.
இதை அடுத்து போலீஸார் இரண்டு நாட்கள் விசாரித்து, 50 கேமரா காட்சிகளைப் பார்த்து பைக் எண்ணைக் கண்டுபிடித்தனர். திங்கட்கிழமை போலீஸார் அவரது வீட்டுக்கு சென்று கைது செய்தனர். இம்மானுவேல் பெங்களூரில் நர்ஸிங் படிப்பு மாணவராவார். விடுமுறை நாட்களில் புதுக்கட் காபி ஷாப்பில் இரவு வேலை செய்து, காலை வீட்டுக்கு திரும்பும்போது விபத்து நிகழ்ந்தது. இது தொடர்பான காணொளி சமூக வலைதளத்தில் வைரல் ஆகி வருகிறது
