இன்ஸ்டாகிராமில் வெளியான ஒரு வீடியோவில், சமையலறையில் பயன்படுத்தும் கட்டிங் போர்டு பற்றி முக்கியமான விழிப்புணர்வு செய்தி மருத்துவர் ஒருவரால் பகிரப்பட்டுள்ளது. பிளாஸ்டிக் கட்டிங் போர்டில் காய்கறிகளை நறுக்கும்போது, கத்தியின் அழுத்தத்தில் போர்டின் மேற்பரப்பில் சிறிய பிளாஸ்டிக் துகள்கள் உதிர்ந்து, காய்கறிகளுடன் கலந்துவிடும். இந்த கலந்த பிளாஸ்டிக் துகள்களை அறியாமல் சமையலில் சேர்த்து சாப்பிடும்போது, உடலுக்கு தீங்கு ஏற்படும்.
குறிப்பாக, சமையலின் போது ஏற்படும் அதிக வெப்பம் பிளாஸ்டிக்கை உருக்கி, அதிலிருந்து பல்வேறு ஆபத்தான ரசாயனப் பொருட்கள் (கெமிக்கல்கள்) வெளியாகும். இவை உடலில் நுழைந்து, நுரையீரல், கல்லீரல் போன்ற உள் உறுப்புகளை பாதிக்கலாம், நீண்டகால நோய்களை ஏற்படுத்தலாம். எனவே, இந்த ஆபத்தை தவிர்க்க பிளாஸ்டிக் கட்டிங் போர்டுகளை முழுவதும் தவிர்த்துவிட வேண்டும். அதற்கு பதிலாக, ஸ்டெயின்லெஸ் ஸ்டீல் (துருப்பிடிக்காத எஃகு) போன்ற உலோக கட்டிங் போர்டுகளை பயன்படுத்தலாம்.
இவை துகள்கள் உதிராது, சுத்தம் செய்ய எளிது, வெப்பத்தை தாங்கும் தன்மை கொண்டவை. இதன்மூலம் சமையல் ஆரோக்கியமாக இருக்கும், உடலுக்கு எந்த பாதிப்பும் வராமல் தடுக்கலாம். அனைவரும் இந்த மாற்றத்தை செய்து கொள்ளுங்கள் என்று அந்த வீடியோ அறிவுறுத்துகிறது.
