இந்தியா மற்றும் பாகிஸ்தான் அணிகளுக்கிடையில் நடைபெற்ற உலகக் கோப்பை போட்டிக்கு பிறகு, கைகுலுக்கல் மறுப்பு விவகாரம் சர்ச்சையை ஏற்படுத்திய நிலையில், தற்போது ஆஸ்திரேலிய வீரர்கள் இந்த விவகாரத்தை கேலி செய்த வீடியோ ஒன்று சமூக வலைதளங்களில் வைரலாகியுள்ளது.

 

ஆண் மற்றும் பெண் ஆஸ்திரேலிய வீரர்கள் கலந்து கொண்ட இந்த வீடியோவில், இந்திய அணியின் “கைகுலுக்கல் தவிர்ப்பு” என்பது ஒரு பலவீனம் என கிண்டலாக பேசப்படுவதும், அதை வைத்து எதிரிகளை குழப்ப முடியும் எனவும் சொல்லப்படுகின்றது.

இந்த வீடியோவில், ஒரு தொகுப்பாளர் “இந்தியா உலகக்கோப்பையை வெல்லும் பாதையில் உள்ளது. ஆனால் ஒரு முக்கியமான பலவீனம் அவர்களிடம் இருக்கிறது. அதுதான் கைகுலுக்க விருப்பமில்லாதது” என்று கூற, ஆஸ்திரேலிய வீரர்கள் வெவ்வேறு விதமான நகைச்சுவையான வாழ்த்து முறைகளை பரிந்துரைக்கின்றனர். இது ரசிகர்கள் மத்தியில் பெரும் பரபரப்பை ஏற்படுத்தியுள்ளது.

இந்நிலையில், ஆஸ்திரேலிய டெஸ்ட் அணித் தலைவரான பேட் கம்மின்ஸ் காயம் காரணமாக உடனடியாக களமிறங்க வாய்ப்பு குறைவாகவே உள்ளதாக தெரிவித்துள்ளார். மேலும் அவரது முதுகு வலியைத் தொடர்ந்து மருத்துவமனை பரிசோதனைகளில் பூரண குணமடையவில்லை என்றும், அஷஸ் தொடர் முதல் போட்டிக்கு பங்கேற்பது சந்தேகத்திற்குட்பட்டது எனவும் மருத்துவர்கள் தெரிவித்துள்ளனர். அவரது இந்த நிலைமைக்கு ரசிகர்கள் உற்ற கவனத்துடன் இருக்கின்றனர்.