சிறுவயதில், அந்தி மாலைப் பொழுதில் மொட்டை மாடியில் சூரியன் அஸ்தமித்த பிறகு சுட்டெரிக்கும் தரையில் அமர்ந்து விளையாடுவது பலருக்கும் பழக்கமாக இருந்திருக்கும். ஆனால், பெரியவர்கள் “சூடான தரையில் அமர வேண்டாம், தண்ணீர் தெளித்து ஆறிய பிறகு அமருங்கள்” என்று அறிவுறுத்துவதை நாம் பெரும்பாலும் புறக்கணித்திருப்போம்.
இந்த பழைய அறிவுரையின் மருத்துவ காரணத்தை விளக்கும் ஒரு வீடியோ தற்போது இன்ஸ்டாகிராமில் வைரலாகி வருகிறது. அதன்படி, சூடான கல் அல்லது தரையில் அமர்வது டெயில்போன் (coccyx) எனப்படும் முதுகெலும்பின் கீழ்பகுதி எலும்பை நகர்த்தி, கடுமையான வலியை ஏற்படுத்தலாம். இதனால், அமர்வதற்கு கூட சிரமப்பட வேண்டிய நிலை ஏற்படும், மேலும் மருத்துவர்கள் இந்த எலும்பை மீண்டும் சரிசெய்ய முயலும் போது தீவிர வலி உண்டாகலாம்.
இந்த வீடியோ, பாரம்பரிய அறிவுரைகளுக்கு பின்னால் உள்ள அறிவியல் உண்மைகளை வெளிப்படுத்துவதாக அமைந்துள்ளது. சூடான தரையில் அமருவது, டெயில்போன் மீது அழுத்தத்தை ஏற்படுத்தி, அது தவறான இடத்தில் நகருவதற்கு (coccyx subluxation) வழிவகுக்கும், இது கடுமையான வலி மற்றும் அசௌகரியத்தை உருவாக்கலாம்.
View this post on Instagram
“>
மருத்துவர்கள் இதை சரிசெய்ய முயற்சிக்கும்போது, கைகளால் முன்பின்னாக நகர்த்தி சரி செய்ய வேண்டியிருக்கும், இது மேலும் வலியைத் தூண்டலாம். இதனாலேயே பெரியவர்கள் சூடான தரைகளில் அமர வேண்டாம் என எச்சரித்தனர். இந்த வீடியோ, சமூக வலைதளங்களில் பரவி, பாரம்பரிய அறிவுரைகளின் முக்கியத்துவத்தை மீண்டும் நினைவூட்டுவதுடன், சுகாதார விழிப்புணர்வை ஏற்படுத்தியுள்ளது.
