திருவனந்தபுரத்திலிருந்து 5 எம்.பி.க்கள் உட்பட 150 பயணிகளுடன் டெல்லிக்குப் புறப்பட்டுச் சென்ற ஏர் இந்தியா பயணிகள் விமானம், நேற்று இரவு நடுவானில் பறந்து கொண்டிருந்தபோது திடீரென இயந்திரக் கோளாறு ஏற்பட்டது. விமானத்தில் ஏற்பட்ட கோளாறை விமானி தகுந்த நேரத்தில் கண்டறிந்து, உடனடி நடவடிக்கை மேற்கொண்டதன் விளைவாக, விமானம் சென்னையில் அவசரமாக பாதுகாப்பாக தரையிறங்கியது. இந்த திடீர் சம்பவம் பயணிகளில் பரபரப்பை ஏற்படுத்தியது.

பின்னர், விமானத்தில் இருந்த 5 எம்.பி.க்கள் மற்றும் 150 பயணிகளும் மாற்று விமானம் மூலம் நள்ளிரவு 12.30 மணிக்குப் பிறகு டெல்லிக்கு அனுப்பப்பட்டனர். விமானி எடுத்த விரைவான முடிவு மற்றும் தொழில்நுட்ப குழுவின் உடனடி ஒத்துழைப்பு காரணமாக, பெரிய விபத்து தவிர்க்கப்பட்டதாக விமான நிலைய அதிகாரிகள் தெரிவித்துள்ளனர்.