ஹாலிவுட் அதிரடி நாயகனான சில்வெஸ்டர் ஸ்டாலோன், ராக்கி மற்றும் ராம்போ போன்ற புகழ்பெற்ற கதாபாத்திரங்கள் மூலம் உலகளவில் பெருமளவில் அறியப்பட்டவர். தனது திரைப்படங்களில் ஆபத்தான சண்டைக் காட்சிகளைத் தானே ஏற்று நடித்து புகழ்பெற்றவர் இவர். தற்போது 80 வயதாகும் இவர், மிகக் கடினமான சாகசக் காட்சிகளில் ஈடுபடுவது போன்ற ஒரு வீடியோ இணையத்தில் வெளியாகி சமூக வலைதளங்களில் வைரலாகி வருகிறது.
அந்த வைரல் வீடியோவில், சில்வெஸ்டர் ஸ்டாலோன் மிக அபாயகரமான தாவுதல்கள் மற்றும் பல்டிகளை மிக இலகுவாகச் செய்வது போல் காட்டப்பட்டுள்ளது. 80 வயதிலும் அவர் இவ்வளவு கடினமான சாகசங்களைச் செய்வதைப் பார்த்த ரசிகர்கள் பலரும் வியப்படைந்து, அவரது உடல் திறனைப் பாராட்டி கருத்துகளைப் பதிவு செய்யத் தொடங்கினர்.
ஆனால், இணையத்தில் வேகமாகப் பரவி வரும் அந்தக் காணொளி முற்றிலும் உண்மையானது அல்ல. அது செயற்கை நுண்ணறிவு (AI) தொழில்நுட்பத்தைப் பயன்படுத்தி உருவாக்கப்பட்ட ஒரு வீடியோவாகும். அதில் காட்டப்பட்டுள்ள அபாயகரமான சாகசங்களை ஸ்டாலோன் உண்மையில் செய்யவில்லை என்பதே நிஜமான உண்மையாகும்.
‘ஸோரோவின் பி.டி.எஸ்’ என்ற முகநூல் பக்கத்தில் இருந்து இந்தப் பதிவு பகிரப்பட்டுள்ளது. திரைப்படங்களில் பயன்படுத்தப்படும் வி.எஃப்.எக்ஸ் (VFX) மற்றும் ஹாலிவுட் நுட்பங்களை அம்பலப்படுத்தும் நோக்கில் இந்த வீடியோ உருவாக்கப்பட்டுள்ளது. ஸ்டாலோனின் வயதும், சண்டைக் காட்சிகளில் அவருக்கு இருக்கும் நீண்ட கால அனுபவமும் இந்த போலி வீடியோவை பலரையும் உண்மை என நம்ப வைத்துவிட்டது.
Sylvester Stallone is 80 years old and just look at what he's still doing for action movies? 😳 — کیڑےمکوڑے (@Form_45) August 23, 2026 “>
Could you do these things at this age? pic.twitter.com/AmV2dbLFNG
தற்போது வரை, இணையத்தில் பரவி வரும் இந்த செயற்கை நுண்ணறிவு வீடியோ குறித்து சில்வெஸ்டர் ஸ்டாலோன் எந்தக் கருத்தும் தெரிவிக்கவில்லை. இதற்கிடையில், அவர் அடுத்து ‘ஃப்ரிஸ்கோ கிங்’ என்ற புதிய தொடரில் நடிக்க உள்ளார். 1930-களின் கேமராக்களைப் பயன்படுத்தி கருப்பு வெள்ளையில் படமாக்கப்பட உள்ள இந்தத் தொடரை அவரது ரசிகர்கள் ஆவலுடன் எதிர்பார்த்துக் காத்திருக்கிறார்.
