நாக்பூர் அஞ்சனி பகுதியில் வசிக்கும் தினக்கூலித் தொழிலாளர்கள், தங்களது 12 வயது மகனை தினமும் சங்கிலியால் கட்டிப்போட்டு விட்டு வேலைக்குச் சென்றுள்ளனர். சிறுவன் சிறு சிறு திருட்டுகளில் ஈடுபடுவதாகக் கூறி, கடந்த 3-4 மாதங்களாக இந்தப் பாதகச் செயலை அவர்கள் செய்து வந்துள்ளனர். குழந்தை உதவி மையத்திற்கு (1098) கிடைத்த ரகசியத் தகவலின் பேரில், மாவட்ட குழந்தைகள் பாதுகாப்புப் பிரிவினர் அந்த வீட்டிற்குச் சென்று பார்த்தபோது, சிறுவன் கால்களில் காயங்களுடன், உணவு மற்றும் தண்ணீரின்றி மிக மோசமான நிலையில் மீட்கப்பட்டான்.

​தற்போது அந்தச் சிறுவன் குழந்தைகள் காப்பகத்தில் ஒப்படைக்கப்பட்டு, அவனுக்குத் தேவையான ஆலோசனைகள் வழங்கப்பட்டு வருகின்றன. மனிதாபிமானமற்ற முறையில் குழந்தையைச் சித்திரவதை செய்ததற்காகப் பெற்றோர் மீது போலீசார் வழக்குப் பதிவு செய்துள்ளனர். இது குறித்து சிறார் நீதிச் சட்டத்தின் கீழ் தீவிர விசாரணை நடத்தப்பட்டு வருகிறது.