தேனி மாவட்டம் தேவாரம் பக்கத்தில் வசித்த பிரதீப் (27) என்பவருக்கும், வழக்கறிஞரான நிகிலாவுக்கும் மூன்று மாதங்களுக்கு முன்புதான் திருமணம் நடந்தது. பிரதீப் குடித்துவிட்டு அடிக்கடி சண்டை போடுவதால், நிகிலா அவருடன் வாழப் பிடிக்காமல் பிரிந்து தன் பெற்றோர் வீட்டுக்குச் சென்றுவிட்டார். இனிமேல் கணவனுடன் சேர்ந்து வாழ முடியாது என்று நிகிலா உறுதியாகக் கூறிவிட்டார்.

​சமீபத்தில், நிகிலா தன் தம்பி விவேக் மற்றும் சில உறவினர்களுடன் சேர்ந்து, திருமண சீர் பொருட்களை எடுப்பதற்காக பிரதீப்பின் வீட்டிற்குச் சென்றார். அப்போது இரு தரப்பினருக்கும் இடையே பெரிய சண்டை ஏற்பட்டது. இதில் கோபமடைந்த பிரதீப், மறைத்து வைத்திருந்த அரிவாளால் தன் மனைவி நிகிலாவை வெட்டிக் கொன்றார்.

இதைப் பார்த்து சத்தம் போட்ட நிகிலாவின் தம்பி விவேக்கையும், பிரதீப்பின் தந்தை சிவக்குமார் கத்தியால் குத்திக் கொலை செய்தார். இரண்டு பேரையும் கொலை செய்த தந்தை, மகன் இருவரும் பின்னர் கோர்ட்டில் சரணடைந்தனர். அவர்களை 24 மணி நேரம் போலீஸ் காவலில் வைத்து விசாரிக்க நீதிபதி உத்தரவிட்டுள்ளார்.