பதவியை அதிரடியாக ராஜினாமா செய்த அதிமுக எம்.எல்.ஏக்கள் மரகதம் குமரவேல், சத்தியபாமா மற்றும் ஜெயக்குமார் ஆகியோரின் கடிதங்களைச் சபாநாயகர் ஜே.சி.டி.பிரபாகர் முறைப்படி ஏற்றுக்கொண்டுள்ளார். பேரவை விதிகள் மற்றும் சட்ட நடைமுறைகளின்படி, அவர்கள் மூவரும் தனித்தனியாக அளித்த ராஜினாமா கடிதங்கள் முறையாகவும், சரியான ஃபார்மேட்டிலும் உள்ளதால் இந்த முடிவு எடுக்கப்பட்டுள்ளதாக அவர் தெரிவித்துள்ளார்.

​அதிமுக கோட்டையையே உலுக்கிய இந்த விவகாரம் குறித்து மேலும் பேசிய சபாநாயகர், “சட்டமன்ற உறுப்பினர் பதவியை ராஜினாமா செய்பவர்கள் அதற்கான காரணத்தை விளக்க வேண்டிய கட்டாயமோ, தேவையோ இல்லை” என்று விதிகளின்படி அதிரடியாகக் கூறியுள்ளார். சபாநாயகரின் இந்த அதிகாரப்பூர்வ அறிவிப்பைத் தொடர்ந்து, அந்த 3 தொகுதிகளும் காலியானதாக அறிவிக்கப்பட உள்ளதால், தமிழக அரசியல் களம் அடுத்தகட்ட பரபரப்புக்குத் தயாராகிவிட்டது