இசைஞானி இளையராஜாவின் பாடல்களுக்கான காப்புரிமை (Copyright) விவகாரத்தில், அவருக்கு ஆதரவாக இயக்குநர் ஆர்.கே. செல்வமணி சென்னை உயர்நீதிமன்றத்தில் அளித்துள்ள சாட்சியம் திரையுலகில் பெரும் பரபரப்பை ஏற்படுத்தியுள்ளது. ‘மியூசிக் மாஸ்டர்’ என்ற இசை வெளியீட்டு நிறுவனம் கடந்த 2010-ஆம் ஆண்டு தொடர்ந்த வழக்கில்தான், இளையராஜாவின் நிலைப்பாட்டை உறுதிப்படுத்தும் விதமாக செல்வமணி இந்தத் தகவல்களைப் பகிர்ந்துள்ளார்.

​இளையராஜா ஒருபோதும் தனது பாடல்களின் காப்புரிமையைத் தயாரிப்பாளர்களிடம் முழுமையாக ஒப்படைத்ததே இல்லை என்று செல்வமணி தனது சாட்சியத்தில் திட்டவட்டமாகக் கூறியுள்ளார். இளையராஜாவிற்கும் தயாரிப்பாளர்களுக்கும் இடையே இருக்கும் ஒப்பந்தங்கள் பாடல்களைப் பயன்படுத்துவதற்குத்தானே தவிர, அவற்றின் உரிமையை விற்பனை செய்வதற்கு அல்ல என்பதையும் அவர் தெளிவுபடுத்தியுள்ளார்.

இசைத்துறையின் ஜாம்பவானான இளையராஜாவின் ராயல்டி உரிமைகளுக்கான நீண்டகாலப் போராட்டத்தில், ஒரு முக்கிய இயக்குநரின் இந்த வாக்குமூலம் அவருக்குப் பெரும் பலமாகப் பார்க்கப்படுகிறது.