தமிழகத்தில் தவெக அரசுப் பொறுப்பேற்றதைத் தொடர்ந்து, ஏழை எளிய மக்களின் பசிப்பிணியைப் போக்கும் உன்னத திட்டமான “அம்மா உணவகங்களை” மறுசீரமைப்பு செய்ய முதலமைச்சர் ஜோசப் விஜய் அதிரடி உத்தரவு பிறப்பித்திருந்தார்.

இந்தச் சீரமைப்புப் பணிகள் மாநிலம் முழுவதும் தீவிரமாக நடைபெற்று வரும் சூழலில், சாமானிய மக்கள் தங்களது நெகிழ்ச்சியான கருத்துகளையும் கோரிக்கைகளையும் தவெக அரசுக்கு முன்வைத்து வருகின்றனர்.

“தற்போதுள்ள கடுமையான விலைவாசி உயர்வில், வெளியில் சாதாரண உணவகங்களில் சென்றால் ஒரு வேளை உணவிற்கு நடுத்தர மக்கள் குறைந்தபட்சம் 150 ரூபாய் வரை செலவிட வேண்டியுள்ளது; ஆனால், இங்குத் தரமான தயிர் சாதம் 3 ரூபாய்க்கும், சாம்பார் சாதம் 5 ரூபாய்க்கும் எவ்வித பாகுபாடுமின்றி வழங்கப்படுகிறது” என்று உழைக்கும் வர்க்கத்தினர் தங்களது நன்றியினைத் தெரிவித்துள்ளனர்.

மேலும், உணவின் தரம் மற்றும் சுவை திருப்திகரமாக உள்ளதாகக் குறிப்பிட்டுள்ள பொதுமக்கள், ஏழைகளின் வாழ்வாதாரத்தைக் காக்கும் இந்த உன்னத திட்டத்தை எக்காரணத்தைக் கொண்டும் கைவிடாமல், முதலமைச்சர் விஜய் தொடர்ந்து தொய்வின்றி நடத்த வேண்டும் என்றும், இதனை ஊரகப் பகுதிகளுக்கும் விரிவுபடுத்த வேண்டும் என்றும் உருக்கமான வேண்டுகோள் விடுத்துள்ளனர்.

“>