சமூக வலைத்தளங்களில் நாள்தோறும் ஆயிரக்கணக்கான வீடியோக்கள் வெளியானபோதிலும், மனிதநேயத்தை உலகிற்கு உணர்த்தும் ஒரு சில வீடியோக்கள் மட்டுமே மக்களின் இதயங்களைத் தொடுகின்றன. அந்த வகையில், தற்போது இணையத்தில் வைரலாகி வரும் சிசிடிவி (CCTV) காட்சியில், பெண் ஒருவர் தனது உயிரையும் பொருட்படுத்தாமல், விபத்தில் சிக்கவிருந்த வாலிபரை நொடிப் பொழுதில் காப்பாற்றியுள்ளார்.

உயரமான தற்காலிகக் கட்டமைப்பு ஒன்றின் மீது வாலிபர் ஒருவர் நின்று வேலை செய்து கொண்டிருந்தபோது, எதிர்பாராதவிதமாக அந்த அமைப்பின் சமநிலை தவறி அது சரிந்து விழத் தொடங்கியது. ஆபத்தை உணராத அந்த வாலிபர் மீது அது விழப்போகும் அடுத்த சில நொடிகளில், அங்கிருந்த பெண்மணி ஒருவர் மின்னல் வேகத்தில் பாய்ந்து சென்று அவரை இழுத்துக் காப்பாற்றினார். அந்த இக்கட்டான சூழலில், வேகமாக ஓட முடியாத ‘ஹை ஹீல்ஸ்’ காலணியை அவர் அணிந்திருந்த போதிலும், அதையெல்லாம் பொருட்படுத்தாமல் அவர் காட்டிய வேகம் அங்கிருந்தோரை வியப்பில் ஆழ்த்தியுள்ளது.

https://www.instagram.com/reel/DZeY_CtKYHg/?utm_source=ig_embed&ig_rid=AHWwAnr-g_k7lfFpPKXYZBD

இந்தக் கொடூர விபத்தில் இருந்து வாலிபர் நூலிழையில் உயிர் தப்பியதோடு, பெரிய அளவிலான காயங்கள் ஏதுமின்றி தப்பித்துக் கொண்டார். விபத்து நடந்த கடைசி நொடி வரை அந்தப் பெண் விழுந்த அமைப்பைத் தாங்கிப் பிடித்து நிலைமையைச் சீராக்க முயன்றது பார்ப்போரைக் கண் கலங்க வைக்கிறது. விபத்துக்களைத் தங்கள் மொபைல் போன்களில் வீடியோ எடுப்பதிலேயே மக்கள் ஆர்வம் காட்டும் இந்த நவீனக் காலத்தில், தனது பாதுகாப்பைப் பற்றி யோசிக்காமல் மனிதநேயத்துடன் செயல்பட்ட அந்தப் பெண்ணை நெட்டிசன்கள் “நிஜ உலக சூப்பர் வுமன்” (Real Life Superwoman) எனக் கொண்டாடி வருகின்றனர். மேலும்  சமூக வலைத்தளங்களில் லட்சக்கணக்கானோரால் பகிரப்பட்டு வரும் இந்த வீடியோ, ஆபத்தான நேரத்தில் சரியான முடிவெடுத்து ஒரு உயிரைக் காப்பாற்றுவதே உண்மையான வீரம் என்பதற்குச் சான்றாகத் திகழ்கிறது.