சென்னையில் ஆபரண தங்கத்தின் விலை கடந்த சில தினங்களாக தொடர்ந்து சரிவை சந்தித்து வந்த நிலையில் இன்று விலை மீண்டும் உயர்ந்துள்ளது. அதன்படி 22 கேரட் தங்கத்தின் விலை சவரனுக்கு 80 வரையில் அதிகரித்து ஒரு சவரன் 55,560 ரூபாய்க்கு விற்பனை செய்யப்படுகிறது. பின்னர் ஒரு கிராம் 6945 ரூபாய்க்கு விற்பனை செய்யப்படுகிறது. கடந்த 4 தினங்களில் மட்டும் தங்கம் விலை சவரனுக்கு 2720 வரையில் குறைந்த நிலையில் இன்று விலை மீண்டும் உயர்ந்துள்ளது நகை பிரியர்கள் மத்தியில் அதிர்ச்சியை ஏற்படுத்தியுள்ளது.

இதேபோன்று 24 கேரட் தூய தங்கத்தின் விலையும் அதிகரித்து ஒரு கிராம் 7,450 ரூபாய்க்கும், ஒரு சவரன் 59 ஆயிரத்து 600 ரூபாய்க்கும் விற்பனை செய்யப்படுகிறது. மேலும் வெள்ளி விலையில் மாற்றமின்றி ஒரு கிராம் 99 ரூபாய்க்கும் ஒரு கிலோ வெள்ளி 99 ஆயிரம் ரூபாய்க்கும் விற்பனை செய்யப்படுகிறது.