தமிழக பாஜக தேர்தல் பொறுப்பாளராக நியமிக்கப்பட்டுள்ள மத்திய அமைச்சர் பியூஷ் கோயல், கட்சியின் முக்கிய நிர்வாகிகளுடன் ஆலோசனையில் ஈடுபட்டபோது தவெக தலைவர் விஜய் குறித்து சில முக்கியமான கருத்துகளைப் பகிர்ந்துள்ளதாகத் தகவல்கள் வெளியாகியுள்ளன.
​அதிமுக – பாஜக கூட்டணிப் பேச்சுவார்த்தைகள் மற்றும் 2026 தேர்தல் வியூகங்கள் குறித்துப் பேசிய அவர், தமிழகத்தில் திமுக-வின் சிறுபான்மையின வாக்கு வங்கியைப் பிரிப்பதில் விஜய் ஒரு முக்கிய சக்தியாக விளங்குவார் எனக் குறிப்பிட்டுள்ளார்.

மேலும், “விஜய் பாஜக கூட்டணிக்கு வர வேண்டிய அவசியம் தற்போதைக்கு இல்லை என்றாலும், அவரை பாஜகவினர் பொதுக்கூட்டங்களிலோ அல்லது சமூக வலைதளங்களிலோ விமர்சிப்பதைத் தவிர்க்க வேண்டும்” என்று நிர்வாகிகளுக்கு அறிவுறுத்தியுள்ளதாகக் கூறப்படுகிறது. விஜய்யின் அரசியல் வருகை ஆளுங்கட்சியின் வாக்கு வலுவைச் சிதைக்க உதவும் என்பதால், அவருடன் இப்போதைக்கு ஒரு மென்மையான போக்கைக் கடைப்பிடிக்க பாஜக மேலிடம் விரும்புவதையே இந்தத் தகவல் உணர்த்துகிறது.