இணையத்தில் தற்போது வேகமாக வைரலாகி வரும் ஒரு வீடியோ உலகம் முழுவதும் பாராட்டுகளைப் பெற்று வருகிறது. அந்த காணொளியில், இரண்டு சிறுவர்கள் டிராம்போலைனில் விளையாடிக்கொண்டபடி “புளிப்பு மிட்டாய் சவால்” (Sour Candy Challenge) என்ற விளையாட்டில் ஈடுபட்டுள்ளனர். அந்த விளையாட்டில், யார் மிகப் புளிப்பான மிட்டாயை நீண்ட நேரம் சாப்பிட முடியும் என்பது சவாலாக இருந்தது. விளையாட்டு நடுவே, அந்த சிறுவன் திடீரென மூச்சுத் திணறி தனது கழுத்தைப் பிடித்துக் கொண்டு மூச்சு விட முடியாமல் தவித்தான்.

அதை கவனித்த அவரது சகோதரி லியா, உடனே அவன் பக்கம் விரைந்து ஓடி அவன் நலமாக உள்ளானா என கேட்டார். அவன் மூச்சுத் திணறுவதை உணர்ந்தவுடன், நிலைமையின் தீவிரத்தைக் கவனித்து, உடனே ஹெய்ம்லிச் நுட்பத்தை (Heimlich Manoeuvre) திறம்படச் செய்து அவனது தொண்டையில் சிக்கியிருந்த மிட்டாயை வெற்றிகரமாக அகற்றினார். இந்தச் சம்பவத்திற்குப் பிறகு, லாவோன் காவல் துறை தனது அதிகாரப்பூர்வ சமூக ஊடகப் பக்கத்தில் லியாவை பாராட்டி,  “இது உண்மையிலேயே ஒரு வாழ்வா–சாவா நிலைமை. லியா, வயது ஒரு தடையல்ல என்பதை நிரூபித்துள்ளார். உங்கள் துணிச்சலும் அமைதியான முடிவும் ஒருவரின் உயிரை காப்பாற்றியுள்ளீர்கள். சிறந்த வேலை, லியா!” என்று குறிப்பிட்டது.