இன்றைய அவசர உலகத்திலும், போலித்தனமான கொண்டாட்டங்களுக்கு நடுவிலும் உண்மை அன்பின் நிஜமான முகத்தைக் காட்டும் சில சம்பவங்கள் இணையவாசிகளின் மனதை அப்படியே உருகவைத்து விடுகின்றன. வயதான தம்பதி ஒருவரின் அழகிய தருணம் அடங்கிய வீடியோ ஒன்று சமூக வலைதளங்களில் வெளியாகி, தற்போது லட்சக்கணக்கான மக்களின் இதயங்களை வென்று வைரலாகி வருகிறது.

முதுமை காலத்திலும் மாறாத காதலையும், ஒருவருக்கொருவர் காட்டும் அளப்பரிய அக்கறையையும் வெளிப்படுத்தும் இந்த வீடியோவைப் பார்த்த பலரும், “ஒவ்வொரு தம்பதியின் எதிர்காலமும் இப்படித்தான் அன்பால் நிறைந்திருக்க வேண்டும்” என்று நெகிழ்ச்சியோடு தங்களின் வாழ்த்துகளைப் பகிர்ந்து வருகின்றனர்.

அந்த வீடியோவில், முதியவர் ஒருவர் தனது வயதான மனைவியின் முடியை மிகவும் நேர்த்தியாகவும், மிகுந்த கவனத்தோடும் வாரிவிடும் காட்சி தத்ரூபமாகப் படம்பிடிக்கப்பட்டுள்ளது. மனைவியின் தலைமுடியை மெதுவாகச் சீவி, அன்போடு அதை ஒழுங்குபடுத்தும் அந்தத் தாத்தாவின் முகத்தில் தெரியும் அக்கறையும், அதை அமைதியாக ஏற்றுக்கொள்ளும் பாட்டியின் முகத்தில் இருக்கும் நிம்மதியும் உண்மையான காதலுக்கு வயதோ, காலமோ ஒரு தடையே இல்லை என்பதை உலகுக்குச் உணர்த்துகிறது.

எந்தவித எதிர்பார்ப்பும் இன்றி, முதுமையிலும் தங்களுக்குள் இருக்கும் அந்தப் பிணைப்பைக் கொண்டாடும் இந்த எளிய தம்பதியின் செயல் காண்போரின் கண்களில் நெகிழ்ச்சி நீர வரவழைக்கிறது. இக்காலக் கட்டத்தில் மிகக் குறுகிய காலத்திலேயே சிதையும் உறவுகளுக்கு மத்தியில், வாழ்நாளின் இறுதிக்கட்டம் வரை ஒருவருக்கொருவர் துணையாக நின்று தாங்கும் இத்தகைய முதியவர்களின் அன்பு மிகப்பெரிய பாடமாகும்.

இந்த வீடியோவைப் பார்த்த பல இணையவாசிகள், ‘இது வெறும் வீடியோ மட்டுமல்ல, நிஜமான காதலின் இலக்கணம்’ என்றும், ‘தாத்தா பாட்டியின் இந்த தூய்மையான அன்பு தான் இன்றைய தலைமுறைக்குத் தேவைப்படும் உண்மையான ரோல் மாடல்’ என்றும் கருத்துகளைப் பதிவிட்டு வருகின்றனர். இணையத்தில் தீயாகப் பரவி வரும் இந்த நெகிழ்ச்சியான பதிவு, அன்பும் மரியாதையும் நிறைந்த தம்பதியரின் வாழ்க்கை எவ்வளவு அழகானது என்பதை மீண்டும் ஒருமுறை உலகிற்கு நினைவுபடுத்தியுள்ளது.

“>