மத்திய பிரதேஷ் மாநிலம் போபாலில் நீரஜ் என்றவர் மளிகைக் கடை நடத்தி வருகிறார். கடந்த வெள்ளிக்கிழமை இரவு 11 மணியளவில், கடையை மூடிவிட்டு, மூன்று நாள் விற்பனையான 80,000 ரூபாய் பணத்துடன் தனது இருசக்கர வாகனத்தில் வீட்டிற்குச் சென்று கொண்டிருந்தார். அப்போது, அவரைப் பின்தொடர்ந்த மூன்று இளைஞர்கள், அவர் கையில் வைத்திருந்த பணத்தைப் பறிக்க முயன்றனர். இதில் நீரஜ் தடுமாறி கீழே விழுந்துவிட்டார். இளைஞர்கள் பணத்தைப் பறித்துக்கொண்டு தங்களது பைக்கில் தப்பிக்க முயன்றனர்.

ஆனால், இளைஞர்களின் பைக் திடீரென ஸ்டார்ட் ஆகவில்லை. இதற்கிடையில், நீரஜ் அக்கம்பக்கத்தினரின் உதவியை நாடி சத்தமிட்டார். இதனால் கூட்டம் கூடத் தொடங்கியது. பயந்துபோன இளைஞர்கள், பைக்கை அங்கேயே விட்டுவிட்டு, 80,000 ரூபாய் பணத்தை மட்டும் எடுத்துக்கொண்டு தப்பி ஓடினர். இந்தச் சம்பவம் அப்பகுதியில் பரபரப்பை ஏற்படுத்தியது. நீரஜ் உடனடியாக காவல் நிலையத்தில் புகார் அளித்தார், மேலும் இந்த மோசமான அனுபவம் அவருக்கு பெரும் அதிர்ச்சியை ஏற்படுத்தியது.

புகாரை ஏற்ற காவல்துறையினர் வழக்குப் பதிவு செய்து விசாரணையைத் தொடங்கினர். திருடர்கள் விட்டுச் சென்ற பைக்கைப் பரிசோதித்தபோது, அது 2 லட்சம் ரூபாய் மதிப்புள்ளது என்பது தெரியவந்தது. பைக்கின் பதிவு எண்ணை வைத்து குற்றவாளிகளைப் பிடிக்க காவல்துறை தீவிரமாக முயற்சி செய்து வருகிறது. 80,000 ரூபாய் பணத்திற்காக 2 லட்சம் மதிப்புள்ள பைக்கை விட்டுச் சென்றது, அப்பகுதி மக்களிடையே பேசு பொருளாக மாறியுள்ளது.