சென்னையில் போக்குவரத்து விதிமீறல்களைக் கட்டுப்படுத்தவும், போக்குவரத்து நெரிசலைக் குறைக்கவும் ஜப்பான் நாட்டின் நிதியுதவியுடன் ‘இன்டலிஜென்ட் டிரான்ஸ்போர்ட் மேனேஜ்மென்ட்’ (Intelligent Transport Management System) என்ற அதிநவீன AI தொழில்நுட்பத் திட்டம் தீவிரமாகச் செயல்படுத்தப்பட்டு வருகிறது. இத்திட்டத்தின் தற்போதைய நிலவரம் குறித்து சென்னை மாநகராட்சி ஆணையர் சமீரன் ஐஏஎஸ் முக்கிய அப்டேட் ஒன்றை வெளியிட்டுள்ளார்.

அதன்படி, இத்திட்டத்திற்கான 70% பணிகள் ஒட்டுமொத்தமாக நிறைவடைந்துவிட்டதாகவும், மீதமுள்ள பணிகள் அனைத்தும் இன்னும் 6 மாத காலத்திற்குள் முழுமையாக முடிக்கப்பட்டு மக்கள் பயன்பாட்டிற்குச் செயல்பாட்டுக்கு வரும் என்றும் அவர் அதிரடியாக அறிவித்துள்ளார். ​இந்த அதிநவீன ஏஐ தொழில்நுட்பத்தின் மூலம், இனி சென்னையில் அதிவேகமாகச் செல்லும் வாகனங்கள், சிக்னலை மதிக்காமல் செல்பவர்கள் மற்றும் சாலை விதிகளைத் துளியும் மதிக்காமல் மீறுபவர்கள் என அனைவரையும் கேமராக்கள் தானாகவே கண்டறியும்.

மனிதர்கள் யாரும் இல்லாமல், ஏஐ தொழில்நுட்பம் மூலமாகவே ஆன்லைனில் தானியங்கி முறையில் (Automatic) ஸ்பாட்டிலேயே அபராதம் விதிக்கப்பட்டு, வாகன ஓட்டிகளின் மொபைலுக்கு சலான் அனுப்பப்படும். இதற்காக சென்னை மாநகர காவல் ஆணையர் அலுவலகத்தில் (Commissioner Office) ஒரு பிரம்மாண்ட சிறப்பு கட்டுப்பாட்டு அறை (Special Control Room) 24 மணி நேரமும் இயங்கும் வகையில் அமைக்கப்பட்டு வருகிறது. சாலை விதிகளை மீறுவோருக்குப் பொறிவைக்கும் இந்த ஏஐ திட்டம் வாகன ஓட்டிகளிடையே தற்போதே பெரும் பரபரப்பை ஏற்படுத்தியுள்ளது.