சமூக வலைதளங்களில் விருப்பக்குறிகள் மற்றும் பின்தொடர்பவர்களை அதிகரிக்கச் செய்ய வேண்டும் என்ற வெறியில் இன்றைய இளைஞர்கள் செய்யும் விபரீத செயல்கள் எல்லை மீறிச் செல்கின்றன . உயரமான கட்டிடங்களின் உச்சியில் நிற்பது, ஓடும் வாகனங்களில் சாகசம் செய்வது எனத் தொடரும் இந்த ஆபத்தான மோகம், தற்போது நேரடியாக வன விலங்குகளின் இருப்பிடத்திற்கே சென்று சீண்டும் அளவிற்கு விபரீத வடிவெடுத்துள்ளது.

  அந்த வகையில், இணையத்தில் தற்போது வைரலாகி வரும் ஒரு அதிர்ச்சிகரமான காட்சி பலரையும் உலுக்கியுள்ளதுடன், சமூக வலைதளப் பிரியர்களுக்குப் பெரிய எச்சரிக்கையையும் விடுத்துள்ளது.

இந்த வைரல் காணொளியின் தொடக்கத்தில், திறந்த வெளிப்பகுதியில் ஒரு பிரம்மாண்டமான கரடி மிகவும் அமைதியான முறையில் நின்று கொண்டிருப்பதைச் தெளிவாகக் காண முடிகிறது.

 அப்போது அங்கு வரும் ஒரு வாலிபர், சமூக வலைதள குறும்படம் எடுக்கும் ஆர்வத்தில் கையில் ஒளிப்பதிவுக் கருவிகளுடன் அந்த ஆபத்தான கரடிக்கு மிக அருகில் சென்றுள்ளார். ஆரம்பத்தில் அந்த விலங்கு எந்தவிதமான அசைவும் இல்லாமல் அமைதியாக இருந்ததால், தனக்கு எந்தவிதமான ஆபத்துமில்லை என்று அந்த நபர் தப்புக் கணக்குப் போட்டுள்ளார். ஆனால், காட்டு விலங்குகளின் மனநிலையை எப்போதுமே கணிக்க முடியாது என்ற உண்மையை அவர் முற்றிலும் மறந்துவிட்டார்.

சில விநாடிகளிலேயே அமைதியாக இருந்த அந்தப் பெரிய கரடி திடீரென ஆக்ரோஷமடைந்து அந்த இளைஞரை நோக்கி வேகமாக ஓடிவந்து தாக்குதல் நடத்த முயன்றுள்ளது. இதைக் கண்டதும் அந்த நபரின் ஒட்டுமொத்த தைரியமும் சுக்குநூறாக உடைந்து, தன் உயிரைக் காப்பாற்றிக் கொள்ள அங்கிருந்து அலறி அடித்து ஓடியுள்ளார்.

இதற்கிடையே எக்ஸ் தளத்தில் jamalk38 என்ற கணக்கு மூலம் பகிரப்பட்டுள்ள இந்தச் செய்தி, வெறும் சில நொடி புகழுக்காக மக்கள் எத்தகைய விபரீத முடிவுகளை எடுக்கிறார்கள் என்பதைச் சுட்டிக்காட்டி நெட்டிசன்களிடையே பெரும் விவாதத்தை ஏற்படுத்தியுள்ளது.