கேரள முதல்வர் பினராயி விஜயன் ஆங்கிலச் செய்தி நிறுவனம் ஒன்றிற்கு அளித்த பேட்டியில், ராகுல் காந்தியை கடுமையாக விமர்சித்துள்ளார். சிலர் எதையும் நேரில் கண்டோ அல்லது அனுபவித்தோ பாடம் கற்றுக்கொள்வதில்லை என்றும், ராகுல் காந்தி அந்த அபூர்வமான வகையைச் சேர்ந்தவர் என்றும் அவர் கூறினார்.

குறிப்பாக, டெல்லி முன்னாள் முதல்வர் அரவிந்த் கெஜ்ரிவாலுக்கு எதிராக ராகுல் காந்தி முன்வைத்த குற்றச்சாட்டுகளை நீதிமன்றம் தள்ளுபடி செய்த பிறகும், அவர் அதே தவறை மீண்டும் மீண்டும் செய்வது வருத்தமளிப்பதாக பினராயி விஜயன் தெரிவித்தார்.தேசிய அரசியலில் காங்கிரஸ் கட்சி தற்போது பாஜகவின் ‘பி-டீம்’ (B-team) போலச் செயல்பட்டு வருவதாக அவர் குற்றம் சாட்டினார்.

காங்கிரஸ் மற்றும் ஐக்கிய ஜனநாயக முன்னணி ஆகியவை பாஜகவுடன் கூட்டணி அமைப்பதில் எவ்விதத் தயக்கமும் காட்டாத ஒரு பிரிவாக மாறிவிட்டன என்று குறிப்பிட்ட அவர், ராகுல் காந்தியின் இத்தகைய செயல்பாடுகள் காங்கிரஸ் தலைமைக்கு விழுந்த பலத்த அடி என்றும் விமர்சித்தார்.