நயன்தாரா நடித்துள்ள ‘அன்னபூரணி’ திரைப்படம் நெட்பிளிக்ஸ் ஓடிடி தளத்தில் இருந்து நீக்கப்பட்டுள்ளது. இந்த விவகாரம் குறித்து தயாரிப்பு நிறுவனம் ஜீ விளக்கம் அளித்துள்ளது. சர்ச்சைக்குரிய காட்சிகளை நீக்கும் வரையில் நெட்பிளிக்ஸில் இருந்து அன்னபூரணி படம் தற்காலிகமாக நீக்கப்பட்டுள்ளது.

இந்துக்கள், பிராமணர்களின் உணர்வுகளை புண்படுத்தும் நோக்கம் இல்லை, யாரின் உணர்வுகளாவது புண்பட்டிருந்தால் மன்னிப்பு கேட்கிறோம் என தெரிவித்துள்ளது. அன்னபூரணி திரைப்படம் இந்து மத உணர்வுகளை புண்படுத்துவதாக விஷ்வ இந்து பரிஷத் குற்றச்சாட்டி இருந்தது.