நகராட்சி நிர்வாகத் துறை ஆலோசனைக் கூட்டத்தில் கலந்துகொண்ட முதலமைச்சர் விஜய், அனைத்து மாநகராட்சிகளிலும் குடிநீர் மற்றும் கழிவுநீர் இணைப்புகளை 100% வழங்க வேண்டும் என அதிகாரிகளுக்கு உத்தரவிட்டுள்ளார்.

குறிப்பாக, அனைத்து மாநகராட்சிகளிலும் பொதுமக்களுக்கு 24 மணி நேரமும் தடையின்றி குடிநீர் விநியோகம் செய்வதை உறுதி செய்ய வேண்டும் என்று அவர் வலியுறுத்தியுள்ளார்.

மேலும், சென்னையின் முக்கிய அடையாளங்களான கூவம் ஆறு, அடையாறு ஆறு மற்றும் பக்கிங்காம் கால்வாய் ஆகியவற்றை மறுசீரமைப்பு செய்யும் பணிகளை விரைந்து மேற்கொள்ள வேண்டும் என்றும் முதலமைச்சர் அறிவுறுத்தியுள்ளார்.

பொதுமக்களின் அடிப்படைத் தேவைகளை நிறைவேற்றும் வகையில் இந்தத் திட்டங்களைச் சிறப்பாகச் செயல்படுத்த வேண்டும் என்று அவர் அதிகாரிகளைக் கேட்டுக்கொண்டுள்ளார்.