தமிழகச் சட்டப்பேரவையில் தாக்கல் செய்யப்பட்டுள்ள 2026-27ஆம் ஆண்டிற்கான நிதிநிலை அறிக்கையில் (பட்ஜெட்), பள்ளிக்கல்வித் துறைக்கு உண்மையான மற்றும் சிறப்பான நிதி உயர்வைக் கொடுத்துள்ளது தமிழக வெற்றிக் கழக (தவெக) அரசு தான் என்று பள்ளிக்கல்வித் துறை அமைச்சர் ராஜ்மோகன் பெருமிதத்துடன் தெரிவித்துள்ளார்.
முந்தைய திமுக ஆட்சியின் 2025-26ஆம் ஆண்டு பட்ஜெட்டில் பள்ளிக்கல்வித் துறைக்கு ரூ.46,767 கோடி ஒதுக்கப்பட்டதாகக் கூறப்பட்டாலும், இடைக்கால பட்ஜெட்டிற்கு முன்பாக உண்மையான செலவினக் கணக்குகளின்படி அது ரூ.42,351 கோடியாகவே இருந்தது என்று அவர் சுட்டிக்காட்டினார்.
ஆனால், தற்போதைய தவெக அரசானது ரூ.44,527 கோடியை நேரடியாகப் பள்ளிக்கல்வித் துறைக்கு ஒதுக்கீடு செய்துள்ளது. இந்த நிதி ஒதுக்கீட்டின் மூலம் மாநிலத்தில் உள்ள அரசு மற்றும் உதவிபெறும் பள்ளி மாணவர்கள், ஆசிரியர்கள் மற்றும் பள்ளிக்கல்வி நிர்வாகக் கட்டமைப்பை மேம்படுத்துவதற்கான பல்வேறு நேரடி நடவடிக்கைகள் விரைவாக மேற்கொள்ளப்படவுள்ளன என அமைச்சர் ராஜ்மோகன் தெரிவித்தார்.
பள்ளிக்கல்வித் துறைக்குக் காகித அளவில் இல்லாமல், நடைமுறையில் உண்மையான நிதி உயர்வை வழங்கி மாணவர்களின் எதிர்காலத்திற்கு அடித்தளமிட்டுள்ள தவெக அரசின் இந்த நடவடிக்கை, கல்வியாளர்கள் மற்றும் பொதுமக்கள் மத்தியில் பெரும் வரவேற்பைப் பெற்றுள்ளது.
