மக்களவைத் தேர்தலில் வேலூர் தொகுதியில் போட்டியிடும் நடிகர் மன்சூர் அலிகான் உடல் நலக்குறைவால் மருத்துவமனையில் அனுமதிக்கப்பட்டுள்ளார். இந்த நிலையில் அவர் சார்பில் வெளியிடப்பட்டுள்ள அறிக்கையில், குடியாத்தத்தில் கட்டாயப்படுத்தி எனக்கு பழ சாறு மற்றும் மோர் கொடுத்தனர். குடித்தவுடன் கீழே விழப் பார்த்தேன். அடி நெஞ்சில் தாங்க முடியாத வலி ஏற்பட்டது. சென்னை கே எம் நர்சிங் ஹோம் மருத்துவமனையில் சிகிச்சை பெற்ற பிறகு வலி குறைந்துள்ளது. விஷ முறிவுக்கு சிகிச்சை கொடுத்தனர் என தெரிவித்துள்ளார்.