ஈரானின் உச்ச தலைவர் அயதுல்லா அலி கமேனி, அமெரிக்கா மற்றும் இஸ்ரேலின் கூட்டு வான்வழித் தாக்குதலில் கொல்லப்பட்டதை அடுத்து, மத்திய கிழக்கில் உச்சகட்டப் பதற்றம் நிலவுகிறது. கமேனியின் மறைவை உறுதி செய்துள்ள ஈரான் அரசு, அந்நாட்டின் புனித நகரமான கும்மிலுள்ள ஜம்கரான் மசூதி கோபுரத்தில் **’சிவப்பு நிறப் பழிவாங்கும் கொடி’**யை ஏற்றியுள்ளது. இது நீதியையும், ரத்தத்திற்கு ரத்தம் என்ற பழிவாங்கும் உணர்வையும் குறிப்பதாக ஈரானிய ஊடகங்கள் தெரிவிக்கின்றன. “ஈரானிய ஆக்டோபஸின் தலைவன்” என்று இஸ்ரேலால் அழைக்கப்பட்ட கமேனி, தனது அலுவலகத்தில் ஆலோசனையில் இருந்தபோது துல்லியமாகத் தாக்கப்பட்டுக் கொல்லப்பட்டுள்ளார். இத்தாக்குதலில் அவரது மகள் மற்றும் மருமகனும் உயிரிழந்துள்ளனர்.

​இந்தத் தாக்குதல் இஸ்லாமியர்களுக்கு எதிரான வெளிப்படையான போர் அறிவிப்பு என்று ஈரான் அதிபர் எச்சரித்துள்ளார். ஈரானின் பல்வேறு நகரங்களில் மக்கள் வீதியில் இறங்கிப் போராடி வருவதால், அமெரிக்க அதிபர் டிரம்ப் ஈரானை நோக்கி கடும் எச்சரிக்கை விடுத்துள்ளார். கமேனியின் மறைவைத் தொடர்ந்து, புதிய உச்ச தலைவர் தேர்ந்தெடுக்கப்படும் வரை நாட்டை நிர்வகிக்க 66 வயது மதகுரு அலிரேசா அராஃபி உள்ளிட்ட மூன்று பேர் கொண்ட தற்காலிக கவுன்சில் அமைக்கப்பட்டுள்ளது. ஈரானின் இந்தச் சிவப்பு கொடி அறிவிப்பு, அமெரிக்காவின் நேச நாடுகள் மீது மிகப்பெரிய தாக்குதலுக்கு வழிவகுக்கும் என அஞ்சப்படுகிறது.