தமிழகத்தில் வரவிருக்கும் பொங்கல் பண்டிகையை முன்னிட்டு, பொங்கல் பரிசுத் தொகை குறித்து முக்கிய அறிவிப்பு வெளியாகலாம் என எதிர்பார்க்கப்படுகிறது. எதிர்க்கட்சிகளான அதிமுக உள்ளிட்ட கட்சிகள், ஒவ்வொரு ரேஷன் அட்டைதாரருக்கும் தலா ₹5,000 வழங்க வேண்டும் என்று தொடர்ந்து வலியுறுத்தி வருகின்றன. இந்தச் சூழ்நிலையில், தலைமைச் செயலக வட்டாரங்களில் இருந்து கசிந்த தகவல்களின்படி, தமிழக அரசு தலா ₹3,000 ரொக்கப் பணத்தை பொங்கல் பரிசாக வழங்க முடிவு செய்திருப்பதாகத் தெரிகிறது.

இந்த அதிகாரப்பூர்வ அறிவிப்பு விரைவில் வெளியாக வாய்ப்புள்ளது. இந்த ரொக்கத் தொகையானது, மக்கள் தங்கள் விருப்பத்திற்கு ஏற்ப பண்டிகைக்குத் தேவையான பொருட்களை வாங்க உதவும் என்று எதிர்பார்க்கப்படுகிறது. ​மேலும், இந்த ரொக்கப் பணத்துடன், பச்சரிசி, சர்க்கரை மற்றும் கரும்பு போன்ற அத்தியாவசியப் பொருட்களை உள்ளடக்கிய பொங்கல் பரிசுத் தொகுப்பும் வழங்கப்படவுள்ளது.