வியாசர்பாடியைச் சேர்ந்த கூலித் தொழிலாளி குமார் மற்றும் அவரது மனைவி சித்ரா தம்பதிக்குச் சேர்ந்தவர் சங்கர் (வயது 20). இவர் அடையாறில் உள்ள ஒரு தனியார் கல்லூரியில் பட்டப்படிப்பு படித்து வந்த நிலையில்,  படிப்பை பாதியிலே நிறுத்தி, நண்பர்களுடன் சேர்ந்து கேட்டரிங் வேலை செய்து வந்துள்ளார்.

சமீபத்தில் சங்கரின் பிறந்த நாள் விழா வந்த நிலையில், கடந்த வாரம் அவர் “நண்பர்களுடன் சேர்ந்து கேக் வெட்டி கொண்டாடப்போகிறேன்” என கூறி வீட்டை விட்டு சென்றார். ஆனால், அந்த இரவுக்குப்பின் வீடு திரும்பவில்லை. இதனால் அவரது தந்தை கொடுங்கையூர் காவல் நிலையத்தில் புகார் அளித்தார்.

இதைத் தொடர்ந்து போலீசார் விசாரணை நடத்தியபோது, எருக்கஞ்சேரி கைலாசம் தெருவில் உள்ள முட்புதரில், வெட்டுக் காயங்களுடன் கிடந்த ஒரு ஆண் சடலம் கண்டெடுக்கப்பட்டது. அதன் அடையாளங்கள் சங்கருடன் ஒத்திருந்ததால், அவரது பெற்றோர் உறுதி செய்தனர்.

மர்மம் அம்பலமாகியது!

போலீஸ் விசாரணையில்  , போதைப்பொருள் வாங்கியதில் ஏற்பட்ட தகராறு காரணமாகவே சங்கர் கொல்லப்பட்டுள்ளதாக தகவல் வெளியாகியுள்ளது. சங்கர், கந்தா என்ற நபரிடம் ரூ.2,500 கொடுத்து மெத்தபெட்டமைன் என்ற போதைப்பொருள் வாங்கியுள்ளார். ஆனால், கந்தா அதற்குப் பதிலாக அஜினோமோட்டோ கொடுத்து ஏமாற்றியுள்ளார். இந்தச் செயலால் கோபமடைந்த சங்கர், கந்தாவை தாக்கியதாக கூறப்படுகிறது.

இந்த நிலையில், கந்தாவின் நண்பர்கள் ஸ்டீபன், நித்தின் குமார், பழைய நண்பர்களாக இருந்தாலும், “கந்தாவை ஏன் அடித்தாய்?” என்ற கேள்வியை வைத்து சங்கருடன் தகராறு  செய்துள்ளனர். அப்போது சங்கர் அவர்களையும் தாக்கியதாகக் கூறப்படுகிறது. இந்த நிகழ்வால் ஏற்பட்ட பழிவாங்கும் எண்ணம், பிறந்த நாளில் அழைப்பதற்கு பயன்படுத்தப்பட்டது எனக் கூறப்படுகிறது.

விரட்டித் தாக்கி கொலை!

சம்பவத்தன்று, பத்துக்கும் மேற்பட்ட நண்பர்கள் கலந்து கொண்ட பிறந்த நாள் நிகழ்ச்சியில், கேக் வெட்டி, பின்னர் மதுபானம் அருந்தியுள்ளனர். அதன்பின், போதையில் தள்ளாடிய சங்கரை தாக்கும் திட்டத்தில், நித்தின், ஸ்டீபன் மற்றும் லிங்கேஸ்வரன் உட்பட பலர் சேர்ந்து முதலில் சுத்திப் போட்டு தாக்கியுள்ளனர். சங்கர் தப்பிக்க முயன்ற போதும், துரத்தி சென்று முட்புதரில் வைத்து வெட்டிக் கொன்றுள்ளனர்.

ஏழு பேர் கைது – ஒருவர் சிறுவன்!
இந்த கொடூர சம்பவம் தொடர்பாக போலீசார் வழக்கு பதிவு செய்து, ஏழு பேர் உட்பட ஒரு சிறுவனை கைது செய்துள்ளனர். சந்தேகப்படுகிறோர் மீது கொலை, சதித் திட்டம், மற்றும் சட்ட விரோதமாக கூட்டமாகத் தாக்குதல் உள்ளிட்ட பல பிரிவுகளின் கீழ் வழக்கு பதிவு செய்யப்பட்டு, அவர்கள் சிறையில் அடைக்கப்பட்டுள்ளனர்.

இந்தச் சம்பவம், போதைப்பொருள் பழக்கங்களால் ,சந்தோஷமாக இருக்க வேண்டிய ஒரு பிறந்த நாளை, கொடூரமான நிழலில் முடித்து விட்டது  சோகமாக அமைந்துவிட்டது.