அதிமுக பொதுச்செயலாளர் எடப்பாடி பழனிசாமிக்கும் கட்சியின் முக்கியப் புள்ளியான எஸ்.பி.வேலுமணி தரப்பிற்கும் இடையே நிலவி வரும் உட்கட்சிப் பூசல் தற்பொழுது மீண்டும் அப்பட்டமாக வெளிச்சத்திற்கு வந்து தமிழக அரசியல் வட்டாரத்தில் பெரும் சலசலப்பைக் கிளப்பியுள்ளது.
நடந்து முடிந்த சட்டமன்றத் தேர்தலுக்குப் பின்னர், வேலுமணி தரப்பில் தனக்கு எதிராகப் போர்க்கொடி தூக்கிய முக்கிய நிர்வாகிகளின் கட்சிப் பொறுப்புகளை இபிஎஸ் அதிரடியாகப் பறித்திருந்தார். இந்தச் சூழலில், அவர்கள் மீண்டும் அதிமுகவில் இணைந்து செயல்பட்ட போதிலும், இதுவரை வேலுமணி தரப்பிற்கு மீண்டும் புதிய கட்சிப் பதவிகளை வழங்க எடப்பாடி பழனிசாமி முன்வரவில்லை என்று கூறப்படுகிறது.
குறிப்பாக, அவர்களிடம் இருந்து பறிக்கப்பட்ட மாவட்ட செயலாளர் உள்ளிட்ட முக்கியக் கட்சிப் பொறுப்புகள் எதுவும் தற்போது வரை அவர்களுக்குத் திருப்பி அளிக்கப்படவில்லை என்பது கட்சிக்குள்ளேயே மிகப்பெரிய விவாதத்தை ஏற்படுத்தியுள்ளது.
கொங்கு மண்டல அதிமுக டாப் கூடாரத்தில் நிலவி வரும் இந்த அடுத்தடுத்த அதிருப்தி மற்றும் பொறுப்புகள் வழங்காத இபிஎஸ்-ஸின் இந்த கறாரான அணுகுமுறை, தற்பொழுது சோசியல் மீடியா ஏரியாக்களிலும் அரசியல் வட்டாரத்திலும் காட்டுத்தீயாய் பரவி பெரும் சலசலப்பை ஏற்படுத்தி வருகிறது.
