தமிழ்நாடு சட்டப்பேரவையில் துணை முதலமைச்சர் உதயநிதி ஸ்டாலினின் பேச்சுத் திறமை குறித்து அரசியல் வட்டாரத்தில் தொடர் விவாதங்களும் விமர்சனங்களும் எழுந்து வருகின்றன. குறிப்பாக, அவர் கையில் இருக்கும் குறிப்புகளைப் பார்த்துப் பேசும்போது வெளிப்படும் சரளமும் தெளிவும், தன்னிச்சையாகப் பேசும்போது குறைந்துவிடுவதாக அரசியல் விமர்சகர்கள் சுட்டிக்காட்டுகின்றனர்.

தயார் செய்யப்பட்ட தாள்களைப் படித்துப் பேசும்போது ஓட்டமும் நடையுமாக இருக்கும் உரை, குறிப்பு இல்லாமல் பேசும் வேளையில் தொய்வடைவதாகவும், கருத்துத் தெளிவு இல்லாமல் வார்த்தைகள் தடுமாறுவதாகவும் குற்றச்சாட்டுகள் முன்வைக்கப்படுகின்றன.

சட்டமன்ற விவாதங்களின்போது உரிய பதிலடிகளைச் சமாளிக்க முடியாமல் அவர் திணறுவதாகவும், சபையில் எதிர்கட்சிகளின் கடுமையான கேலி கிண்டல்களுக்கு ஆளாக நேரிடுவதாகவும் அரசியல் களத்தில் பேசப்படுகிறது. நிர்வாக ரீதியாகவும் அரசியல் ரீதியாகவும் தன்னை முழுமையாக வெளிப்படுத்தத் தன்னிச்சையான பேச்சும், ஆழமான துறை சார்ந்த புரிதலும் அவசியம் என விமர்சகர்கள் கருத்துத் தெரிவிக்கின்றனர்.

“>

 

சட்டப்பேரவை போன்ற உயரிய மன்றங்களில் ஆளுமைமிக்க வாதங்களை முன்வைக்கத் தொடர் பயிற்சியும் வெளிப்படையான பேச்சாற்றலும் மிக அவசியமானது என்பதை இந்தச் சம்பவங்கள் மீண்டும் ஒருமுறை நினைவூட்டுவதாக அரசியல் நோக்கர்கள் குறிப்பிடுகின்றனர்.