தமிழகத்தில் மக்களவைத் தேர்தல் களம் சூடுபிடித்துள்ள நிலையில், வாக்காளர்களுக்குப் பணம் மற்றும் பரிசுப் பொருட்கள் விநியோகிக்கப்படுவதைத் தடுக்க தேர்தல் ஆணையம் தீவிர கண்காணிப்பில் ஈடுபட்டு வருகிறது.

இதன் ஒரு பகுதியாக மாநிலம் முழுவதும் அமைக்கப்பட்டுள்ள பறக்கும் படையினர் மற்றும் கண்காணிப்புக் குழுவினர் நடத்திய அதிரடி சோதனையில், இதுவரை உரிய ஆவணங்கள் இன்றி கொண்டு செல்லப்பட்ட சுமார் 75.03 கோடி ரூபாய் ரொக்கப் பணம் பறிமுதல் செய்யப்பட்டுள்ளது.

பணத்தைத் தவிர கோடிக்கணக்கான ரூபாய் மதிப்பிலான தங்கம், வெள்ளி நகைகள் மற்றும் மதுபானங்களும் அதிகாரிகளிடம் வசமாகச் சிக்கியுள்ளன.

தேர்தல் நடத்தை விதிமுறைகள் அமலில் உள்ளதால், முறையான ஆவணங்கள் இல்லாமல் 50,000 ரூபாய்க்கு மேல் கொண்டு செல்பவர்களிடம் அதிகாரிகள் கிடுக்கிப்பிடி விசாரணை நடத்தி வருகின்றனர்.

இதுவரை இல்லாத அளவில் மிகக்குறுகிய காலத்தில் இவ்வளவு பெரிய தொகை பறிமுதல் செய்யப்பட்டிருப்பது அரசியல் வட்டாரத்தில் பெரும் பரபரப்பை ஏற்படுத்தியுள்ளது.