சமூக வலைதளங்களில் வைரலாகி வரும் ஒரு திகிலூட்டும் வீடியோவில், ஒரு பெரிய மலைப்பாம்பு நதிக்கரையில் உலவிக்கொண்டிருந்த நாய் ஒன்றை திடீரெனத் தாக்கி, அதன் காலைத் தன் தாடையில் கவ்விப் பிடித்து விழுங்க முயற்சி செய்கிறது.

அந்த நாய் தப்பிக்கப் போராடிக்கொண்டிருந்தபோது, அங்கு வந்த ஒரு நபர் சற்றும் தாமதிக்காமல் தைரியமாகச் செயல்பட்டார். அவர் ஒரு குச்சியின் உதவியுடன் அந்த மலைப்பாம்பின் தலையில் பலமாகத் தாக்கி, நாயை அதன் பிடியிலிருந்து மீட்கப் போராடினார்.

அந்த நபரின் விடாமுயற்சியால், மலைப்பாம்பு இறுதியாக நாயை விட்டுவிட்டு அங்கிருந்து தப்பிச் சென்றது. சரியான நேரத்தில் அந்த நபர் அங்கு வராமல் இருந்திருந்தால், அந்த நாய் மலைப்பாம்பிற்கு இரையாகியிருக்கும்.

“>

 

தனது உயிரைப் பொருட்படுத்தாமல் ஒரு விலங்கைக் காப்பாற்றிய அந்த நபரின் வீரத்தைப் பாராட்டி, ஆயிரக்கணக்கான மக்கள் இந்த வீடியோவை சமூக வலைதளங்களில் பகிர்ந்து வருகின்றனர்.

‘நேச்சர் சேப்டர்’ என்ற கணக்கின் மூலம் பகிரப்பட்ட இந்த வீடியோ தற்போது இணையத்தில் காட்டுத்தீயாகப் பரவி வருகிறது.