அதிமுக ஒன்றிணைய வேண்டும் என்று வலியுறுத்திய முன்னாள் அமைச்சர் செங்கோட்டையன், கட்சிப் பொறுப்புகளில் இருந்து நீக்கப்பட்டதனால், அவரின் அடுத்தகட்ட நடவடிக்கை என்னவாக இருக்கும் என்ற எதிர்பார்ப்பு அரசியல் வட்டாரத்தில் எழுந்துள்ளது. செங்கோட்டையன் நீக்கம் அதிமுக உள்நிலையை மேலும் பரபரப்பாக்கியுள்ள நிலையில், அவருக்கு சசிகலா மற்றும் ஓ.பன்னீர்செல்வம் உள்ளிட்டோர் வெளிப்படையாக ஆதரவு தெரிவித்துள்ளனர்.

இந்நிலையில், வரும் 9ம் தேதி செங்கோட்டையன் தனது ஆதரவாளர்களும், நிர்வாகிகளும் கலந்து கொள்ளும் ஆலோசனையை நடத்த உள்ளார். அந்த ஆலோசனைக்குப் பிறகு, அவர் எந்தவொரு முக்கிய அறிவிப்பையும் வெளியிடுவாரா என்ற கேள்வி எழுந்துள்ளது. இதனால், அவரின் அடுத்த நடவடிக்கை தமிழக அரசியலில் பெரிய பரபரப்பை கிளப்பும் என எதிர்பார்க்கப்படுகிறது.