மகாராஷ்டிர மாநிலத்தில் உள்ள ஒரு நகைக் கடைக்குள், நேற்று இரவு 9 மணியளவில் முகமூடி அணிந்த கொள்ளையர்கள் திடீரெனப் புகுந்தனர். அவர்கள் தங்களின் கைகளில் வைத்திருந்த கைத்துப்பாக்கிகளைக் காட்டி அங்கிருந்தவர்களை மிரட்டி, நகைகளைக் கொள்ளையடிக்கத் தீவிரமாக முயன்றுள்ளனர். அப்போது, கடையில் இருந்த ஊழியர்கள் துப்பாக்கி முனையிலும் பயப்படாமல், தங்களின் உயிரைத் துச்சமாகக் மதித்துக் கொள்ளையர்களை எதிர்த்து வீரத்துடன் போராடினர்.

ஊழியர்களின் இந்த அதிரடி எதிர்ப்பைக் கண்டு நிலைகுலைந்த கொள்ளைக் கும்பல், நகைகள் எதையும் எடுக்க முடியாமல் அங்கிருந்து நாலாபுறமும் சிதறித் தப்பியோடியது. இந்தக் கடுமையான மோதலின் போது, கொள்ளையர்கள் தாக்கியதில் நகைக் கடை ஊழியர் ஒருவரின் தலையில் பலத்த காயம் ஏற்பட்டது. இதையடுத்து அவர் உடனடியாக மீட்கப்பட்டு, அருகில் உள்ள மருத்துவமனையில் தீவிர சிகிச்சைக்காக அனுமதிக்கப்பட்டுள்ளார்.

இதற்கிடையே, கடையில் இருந்த சிசிடிவி கேமராக்களில் பதிவான காட்சிகளைப் போலீசார் கைப்பற்றி, அதன் அடிப்படையில் தப்பியோடிய முகமூடி கொள்ளையர்களைப் பிடிக்கத் தனிப்படை அமைத்துத் தீவிரமாகத் தேடி வருகின்றனர். துப்பாக்கி முனையிலும் நகைக் கடை ஊழியர்கள் காட்டிய அசாத்திய துணிச்சல் மற்றும் ஆக்ரோஷமான சண்டை காட்சிகள் தற்போது சோஷியல் மீடியாக்களில் வெளியாகிப் பெரும் பரபரப்பை ஏற்படுத்தி வருகின்றன.