சமூக வலைதளங்களில் வைரலாகி வரும் ஒரு திருமண வீடியோவில், சடங்குகளை நடத்தும் புரோகிதர் ஒருவர் மணமகனிடம் கேட்ட வினோதமான கேள்வி அனைவரையும் வியப்பில் ஆழ்த்தியுள்ளது. பொதுவாக திருமணங்களில் மந்திரங்களை ஓதி தீவிரமான முறையில் சடங்குகளை நடத்தும் புரோகிதர்களுக்கு மத்தியில், இந்த புரோகிதர் பாலிவுட் நடிகை நோரா ஃபதேஹியைப் பற்றி மணமகனிடம் கிண்டலாகப் பேசியுள்ளார்.
மேலும் “உங்களுக்கு நோரா ஃபதேஹி என்ன உறவு முறை வேண்டும்?” என்று அவர் கேட்க, மணமகன் ஒரு நிமிடம் திகைத்துப் போனார். பின்னர் மணமகன் “அவர் எனக்கு சகோதரியா?” என்று கேட்க, அதற்கு புரோகிதர் நகைச்சுவையாக, “இல்லை, அவர் உங்களை விட பெரியவர், அதனால் அவர் உங்களுக்குத் தாய் போன்றவர்; அவரை எங்கு பார்த்தாலும் காலில் விழுந்து ஆசிர்வாதம் வாங்குங்கள்” என்று பதிலளித்தார்.
View this post on Instagram
“>
இந்த வேடிக்கையான உரையாடலைக் கேட்ட மணமகள் மற்றும் அங்கிருந்த விருந்தினர்கள் அனைவரும் வயிறு குலுங்க சிரிக்கத் தொடங்கினர். இந்த வீடியோ இன்ஸ்டாகிராமில் பகிரப்பட்ட சில நாட்களிலேயே 70 லட்சத்திற்கும் அதிகமான பார்வைகளைப் பெற்று வைரலாகியுள்ளது.
இதைப் பார்த்த நெட்டிசன்கள், “இந்த காலத்து புரோகிதர்கள் மிகவும் கலகலப்பானவர்கள்” என்றும், “இவர்தான் நோரா ஃபதேஹியின் தீவிர ரசிகராக இருப்பார் போலிருக்கிறது” என்றும் விதவிதமாக கருத்துகளைப் பதிவிட்டு வருகின்றனர். வழக்கமான திருமணச் சடங்குகளுக்கு மத்தியில் இத்தகைய நகைச்சுவை தருணங்கள் திருமண விழாவையே கலகலப்பாக மாற்றியிருப்பதாகப் பலரும் பாராட்டி வருகின்றனர்.
