தமிழகச் சட்டமன்றத் தேர்தல் 2026-ன் பரபரப்பான வாக்கு எண்ணிக்கையில், சென்னை சேப்பாக்கம்-திருவல்லிக்கேணி தொகுதியில் போட்டியிட்ட துணை முதல்வர் உதயநிதி ஸ்டாலின் அபார வெற்றி பெற்றுள்ளார். தமிழக முதல்வர் மு.க.ஸ்டாலின் தனது சொந்த தொகுதியான கொளத்தூரில் பின்னடைவைச் சந்தித்து வருவது திமுகவினரிடையே சோகத்தை ஏற்படுத்தியுள்ள நிலையில், உதயநிதியின் இந்த வெற்றி அவர்களுக்கு ஒரு மிகப்பெரிய தெம்பை அளித்துள்ளது.

​தன்னை எதிர்த்துப் போட்டியிட்ட தமிழக வெற்றிக் கழகம் மற்றும் அதிமுக கூட்டணி வேட்பாளர்களைக் கணிசமான வாக்குகள் வித்தியாசத்தில் வீழ்த்தி, உதயநிதி தனது தொகுதியைத் தக்கவைத்துக் கொண்டுள்ளார். தற்போது நிலவரப்படி தமிழகம் முழுவதும் திமுக 70 இடங்களில் முன்னிலையில் உள்ள நிலையில், சேப்பாக்கத்தில் கிடைத்துள்ள இந்த வெற்றி அக்கட்சியின் கௌரவத்தைக் காப்பாற்றியுள்ளது. உதயநிதியின் வெற்றியைக் கொண்டாடும் வகையில் திமுக தொண்டர்கள் இனிப்புகள் வழங்கித் தங்களது மகிழ்ச்சியை வெளிப்படுத்தி வருகின்றனர்.