திமுக எம்.பி ஜெகத்ரட்சகன் தொடர்புடைய இடங்களில் வருமானவரித்துறையினரின் சோதனையில் ரூபாய் 2.45 கோடி மதிப்பிலான கைக்கடிகாரங்கள் கைப்பற்றப்பட்டுள்ளதாக தெரிவிக்கப்பட்டுள்ளது. திமுக எம்பி ஜெகத்ரட்சகனுக்கு தொடர்புடைய சென்னை உட்பட பல்வேறு இடங்களில் வருமான வரித்துறையினர்  கடந்த 5 நாட்களாக சோதனையில் ஈடுபட்டு வந்தனர். இந்நிலையில் தற்போது 2.45 கோடி மதிப்பிலான கைக்கடிகாரங்கள் கைப்பற்றப்பட்டுள்ளதாக தகவல் வெளியாகி உள்ளது. அதாவது, திமுக எம்பி ஜெகத்ரட்சகன் மகள் வீட்டில் 2.45 கோடி மதிப்பிலான 7 வெளிநாட்டு கைக்கடிகாரங்கள் கைப்பற்றப்பட்டதாக தகவல் வெளியாகி உள்ளது. மேலும்  ஜெகத்ரட்சகன் மகள் வீட்டில் கட்டு கட்டாக ரூபாய் 2000 நோட்டுகள் சிக்கியதாக தகவல் வெளியாகியுள்ளது.