தமிழ்நாட்டை அனைத்து துறைகளிலும் முன்னேற்றப் பாதையில் முன்னிலை பெற்ற மாநிலமாக்க வேண்டும் என்ற தன்னலமற்ற இலக்குடன் திராவிட மாடல் அரசை செயல்படுத்தி வருவதாக தமிழக முதல்வரும் திமுக தலைவருமான மு.க.ஸ்டாலின் தெரிவித்துள்ளார்.

இது தொடர்பாக திமுக தொண்டர்களுக்கு தனிப்பட்ட கடிதம் ஒன்றை அனுப்பியுள்ள அவர், “மாணவர்களின் பசியை போக்கும் காலை உணவுத் திட்டத்தின் முக்கியத்துவத்தை உணர்ந்து, அதனை நகர்ப்புற பள்ளிகளிலும் விரிவாக்கம் செய்துள்ளோம்” என்று தெரிவித்துள்ளார்.

மேலும், இந்த திட்டத்தின் வாயிலாக நகர்ப்புறங்களில் மட்டுமே 3 லட்சத்து 6 ஆயிரம் மாணவர்கள் பயனடைவார்கள் எனக் கூறியுள்ள ஸ்டாலின், தமிழகத்தில் கல்வி, நலத்திட்டம், சமூக நியாயம் ஆகியவற்றில் திமுக அரசு எடுத்து வரும் முயற்சிகளை தொண்டர்களுடன் பகிர்ந்து கொண்டதில் பெருமிதம் கொள்கிறேன் என்றும் தெரிவித்துள்ளார். மாணவர்கள் வளர்ச்சியில் முதலீடு செய்வதே மாநிலத்தின் எதிர்காலத்தில் முதலீடு செய்வதற்கு சமமானது என அவர் வலியுறுத்தியுள்ளார்.