வேலூர் மாவட்டம் குடியாத்தம் அருகே உள்ள கல்லப்பாடி அரசு மேல்நிலைப்பள்ளியில் கடந்த ஆகஸ்ட் 15ம் தேதி சுதந்திர தினத்தை முன்னிட்டு நடைபெற்ற விழாவில் சர்ச்சை ஏற்பட்டது.

விழாவுக்கான ஏற்பாடுகள் அனைத்தும் செய்த நிலையில், ஊராட்சி மன்றத் தலைவர் ரமேஷ், தேசியக் கொடியை ஏற்ற பிரதான நபராக  அழைக்கப்பட்டிருந்தார். ஆனால் நிகழ்ச்சியின் நேரத்தில், ரமேஷை புறக்கணித்து, பெற்றோர் ஆசிரியர் கழகத்தின் முன்னாள் தலைவரான மற்றொரு நபர் கொடியேற்ற நடவடிக்கையில் ஈடுபட்டார். இது அரசு நியமனத்துக்கு முற்றிலுமாக முரணானதாகவும், திட்டமிட்ட புறக்கணிப்பு என ஊர் மக்களிடையே பேச்சு பரவியது.

தலைமை ஆசிரியரிடம் முறையிட்ட ரமேஷுக்கு தெளிவான பதில் கிடைக்கவில்லை என கூறப்படுகிறது. “நான் பட்டியல் இனத்தைச் சேர்ந்ததால் எனக்கு கொடியேற்ற உரிமை மறுக்கப்பட்டது” என அவர் தெரிவித்து உள்ளார். இது குறித்து மாவட்ட நிர்வாகம் உரிய நடவடிக்கை எடுக்க வேண்டும் என்றும் அவர் கோரிக்கை வைத்துள்ளார்.